第六場三班 1200米
已在此程贏馬的「精算暴雪」取得季內的第 3W，守好位跑到了最後二百米一推就過，用兩個半馬位贏馬，當起當銳的四歲馬無懼頂磅，跟前跑法的馬有三檔可攝內欄好位，拆組後出馬得九匹唔滿額，質超對手，憑質可再添多場頭馬。排回內檔的「錶壇精英」，有黃金一檔加埋鍾易禮減五磅，上次排外檔輸形勢，無乜點用力，隔一周匆匆再跑也不成問題，面對著前駒惡馬要贏可能有點難度，就算受讓九磅要搏對手出錯才有機會，串 Q比較穩陣。
第七場四班 1650米
欠運馬「紅海勁」接連兩仗只以一條頸位飲恨得亞軍，上仗打甩髀都贏唔到，潘頓唔放手繼續再搏，心有不甘誓要替此駒開齋，能跟能鬥排在七檔會在馬群外疊中、前的位置，在配備上亦作出變動，加面箍望能更集中衝得更勁，狀態仍勇望能頂多鋪，決定跟多場。近五場得一冠四季的「美麗歡聲」勝在夠準，繼續交由鍾易禮減磅再出擊，排九檔望能快快搶到前面的位置，就會好跑，贏馬一役排十檔都可由較後的位置追上嚟，告東尼馬房近期好勢頭，馬又有近績支持，如前駒搏攰咗就可代之而上。
第九場二班 1200米
最夾巴度的「一代天嬌」，今季 2W都是由他經手，今仗升班繼續有運抽到內檔，路有專長入直路馬群一散開又可在內欄偷位上，巴度騎得起該駒的後勁，這匹馬女如場地利追又可展現威力。鐵馬「合夥雄心」季內七戰此程得 4W 2Q及一次第五名，上場負於前駒個半馬位，都與「好友心得」雙冠軍攞百萬挑戰盃，六歲馬今季大豐收，跑二班負磅減輕，比上場少負十二磅，用近期手風順的班德禮，馬匹跑法夠機動又忠心，例追一段有輕磅，相信初跑二班也可接近。
馬王六環彩提供
第四場 | 3合夥奔馳 | 9千杯敬典 |
第五場 | 2真感 | 5金哥兒 |
第六場 | 1精算暴雪 | 3錶壇精英 |
第七場 | 4紅海勁 | 8美麗歡聲 |
第八場 | 1柏林探戈 | 7獨角獸 |
第九場 | 7一代天嬌 | 9合夥雄心 |
(馬王 13/3/2024)
Comments