第五場四班1200米
文家良馬房上場初出的「電子宇宙」，三歲PPG在谷草最短途可以追入第四名，都算是幾高難度動作，分別負於今季有證明的馬匹，只是以一又四分一馬位負於今季再贏的「誠心所願」，屬強組賽績，今次更加強配搭，由鍾易禮換上布文，今次加程二百米及有強手壓陣，文廄的兩匹電子系在今季取得佳績，今場可替這匹一向支持文家良的電子系翌仗就贏馬交代。已開始轉好的「日新月著」，因為暑期的腳傷，要到今年一月才復出，跑了四場已越跑越近，上場在谷草此程排在大外檔都可以追入第四名，今場同樣排在外檔，霍宏聲上季初出三場曾策騎此駒，都熟識其後上的能力，如今馬匹轉趨成熟，有望交出好成績。
第六場三班1800米
上場落班的「天池怪俠」，有一檔之助已屬大好機會，豈料遇著班德禮真係內向，全程在內欄遊馬河，直路上無位上要收慢，有位後再騎落去馬匹有反應地追近跑第五名，今場仍有好檔，排三檔更換上希威森，會發揮得比上仗好，八歲馬趁有啱路程及好檔，不搏待何時? 接連追得好的「黑桃火箭」，近兩場分別交出22秒80及22秒21的極快末段時間入Q，只是負於賺形勢的對手，馬兒今季只跑了四場，來到季中賺體力，布文親自試閘追勢強勁，後追馬無懼大外檔，上場初試谷草千八米只以一個鼻位追不及「波爾多」，長途後追馬一再試準，今場可補中，取得首場頭馬。
第八場三班1200米
今季大熟的「紫雲冰」(上圖)，上陣七次只有一次失獎金，季初兩連捷後在三班已站穩陣腳，每次都交出追勢，連場入圍，近兩場的一亞一季都跑出最快的末段時間，今仗由騎開的霍宏聲換上布文，有四檔遮擋可維持末段追勢，自從食出三寶後，兩期白果的布文，今晚多惡馬在手，方廄今晚三匹惡馬「國士無雙」、「黑桃火箭」及此駒也交由他出擊，騎練今晚可連場OK。今季轉倉到賀賢馬房的「順勢贏」，以往二班都可以贏的賽駒，如今在三班已佔了班利，今次有黃金一檔幫手，早段可望攝得好，面對著今場的其他對手，跑吓班底會有些微優勢，今季用得不多的六歲馬，可謀一席冷位。
馬王六環彩提供
第四場 | 3功夫茶 | 5大師級 |
第五場 | 7電子宇宙 | 10日新月著 |
第六場 | 1天池怪俠 | 2黑桃火箭 |
第七場 | 1越駿知己 | 4實力派 |
第八場 | 3紫雲冰 | 9順勢贏 |
第九場 | 2艮志騰雲 | 10心之行 |
(馬王 8/3/2023)
Comments