眨眼已來到二月下旬，將舉行經典盃，接下來就到打吡正本戲，現在要談誰是真正王者仍言之過早，相信明天賽後會有更多啟示。近期賽事蔡約翰已逐步在練馬師帶離次席的羅富全四場頭馬，今次兩師徒出馬量及份量都十足，有力在大賽日數糊，其次排在第三位的姚本輝仍似乎佈下強陣，大家不妨可多留意。
第一場 第四班 (35-60分) 1650米 泥地
「樂捉鳥」上仗沿途走位大致無錯，但入直路後鞍上人發揮有點不為以甚，跟相若位置發力的霍宏聲的肉緊程度有天淵之別。但好處是相對「鋒芒勁露」無咁用力，而且，初戴眼罩可望早段不用留得太後競跑。
「鋒芒勁露」同樣出自(370)的牠，剛戰在慢步速食起了動後但輸蝕了走三疊的形勢，在初跑泥地不即中後唔再轉路程，相信幕後未必再有時間兜轉了，除非是日泥地屬無欄無命的一種，否則仍是爭勝份子之一。
「華卓晴」剛戰沿途走三疊蝕腳程下造出第二快末段時間追入一席，表現逐見回起，埋門再有加油閘，有力再拼。
「友盈友福」上仗是快步速受害者，而當日田A上半場沿途放頭馬大多數無影，查同程四戰兩入位，於三班亦曾入位，今場快馬唔多，有力獨自帶領賺形勢。
第三場 第二班 (75-100分) 1600米 草地
「永遠美麗」陣上愈贏愈易，陣上及晨課所見愈來愈淡定，從另一路線要爭分的四歲馬在大熟大勇之境，「花旗」一族相信千六都到，而且今場放領馬其實唔多，頭二百米段速預計偏慢，相對氣量要求亦不會太多下有力再贏。
「駿馬快車」上仗騎者走位極遲緩兼笨鈍，最終只跑一席梗頸回來，賽後練者隨即安排馬兒季內首次到從化操練，快跳時躍躍欲試，狀態有進無退，希望新鮮感可以令馬兒早段不太慢腳。
「一先生」剛賽稍為蝕磅都贏，五歲北半球馬亦正值大勇之境，同程亦有入位根據，是日姚廄佈下強陣，亦有權作雙龍出海格局。
「加州十大」剛戰行圈馬兒呈現火噴噴之鏡頭，千四稀嫌短的路程在慢步速的劣勢下徐徐追近，可見五歲馬近況不俗。
第六場 第四班 (40-60分) 1400米 草地
「健康第一」對上一次跑千四就係入位，同程亦是唯一上名路程，所以近仗跑谷草之餘，遇慢步速追唔切既敗績都有啲藉口。今次相隔4個月再上從化小休之後返田草，可能會有啲新鮮感刺激。
「喜報」上場前置三疊，都係步速受害者，跑入一席反映近況唔曳，再到從化操練續配人馬合作過既賈傑美，相信都係似配合馬房成手惡馬而臨。
「色種笑」 蔡廄馬一場熱身後進步良多，上仗稍蝕快步速贏馬，不過今季莫雅跑或上名既馬，好多翌仗表現都係一般，強如「福逸」都係亞軍，所以實齡未足4歲既佢 初次負130磅以上，有點兒戒心。
「霹靂神龍」 上次的確是不利追既劣勢下既亞軍，不過賽事步速慢，一來未考驗氣量 ，二來同組馬匹翌仗表現一般，水準仍有待證明，熱門作配腳。
第九場 四歲馬 1800米 香港經典盃 草地
「知足常樂」(上圖)上仗先遇前極慢後快的不利追步速，而且馬兒直路上大部份時間均在受困，認真跑既一百米都無，敗績未可作準。今仗大部份對手無千八米賽績，如能跑回前仗快末段時間輕勝對手的表現，論馬實屬今場爭勝份子。
「自勝者強」前仗久休外檔克服劣勢贏馬，上仗雖然賺貼欄偏差兼略蝕步速，但馬兒末段能力逐步逼近頭馬的表現亦算出色，復課快跳勇熟俱增，強配兼有內檔之助更安心，屬坐位望贏馬匹。
「新力高升」今季進入大勇之境，六仗悉數跑入前四且挾三連勝的氣勢，雖然上場入彎前一段時間甚慢，牠與「川河首駒」、「皇冠金」等都是食了起動發力位上前，但幸好牠是拋開對手大勝而回，當銳份子面對同齡對手，仍稍高一線。
「美麗宇宙」雖然近兩仗未能跑入三甲，但陣上均遇超慢步速所影響，故敗績未可反映其事實，然而外地可有十足長力及衝程贏馬，所以一路認為此駒未出殺手鐧，如今仗遇慢步速或可彎中踩油上前，故成冷勿忘。
(波仔 26/2/2023)
Comments