國際賽後又回到城市馬場的賽事，無可否應戲碼會相對減弱，俗語說好既一餐，唔好嘅都係一餐，現今評分制度導致馬匹班次嚴重畸形已是不爭事實，長此下去不知五班賽會出現在尾段場次呢! 回說今次賽事，實力分佈亦算平均，沈集成，呂健威及文家良馬房應可優先留意。
第一場 第五班 (0-40分) 2200米
「賞心星」馬兒近五次跑入三甲有三次於同程取，可謂路有專長，剛戰雖然步速稍賺，但沿途腳程亦相對「爸巴閉」較蝕，論表現不下於後駒，埋門再有大閘砥礪，備戰加強相信今場是箭頭所在。
「爸巴閉」近仗持續交出穩定後勁，馬兒大勇之餘亦證明搵啱出路，復課快跳工序完整，相信六歲馬會趁勇用盡一時。
「勝出魅力」千二磅大馬需要陣上熱身，上季亦跑至第六仗入位，上星期刻意找來馬昆上陣不排除想用硬功省馬，同程兩戰曾入位，另外一仗亦所負不遠跑第四，匆匆再戰配腳可拖。
「齊喜」復課快跳仍見爽朗，仍堅持馬兒狀態已及水準，然而上仗中段步速偏快下，騎師刻意再跟前跟稍嫌操之過急，馬兒在末段則未有潰散，算是前置馬中表現好的一匹，今戰換人上陣，快馬其實唔多下外檔或更易順勢切入。
「彪形遨漢」剛戰入彎的步速超快，在此時加速上前的牠形勢非有利，最終跑入一席的表現絕不失禮，近日賢廄有表現馬匹可有打疊表現，所以配腳仍要加入。
第二場 第五班 (0-40分) 1650米
「綫路暉華」(上圖)前仗贏此程姿態輕鬆，上仗突然失準相信是雨中作戰之影響。埋門大閘起步敏捷，快跳活躍感足，論態並無不妥，在快馬不多場合有力重入勝門。
「一舖成名」上仗中外檔起步早段被迫留得較後角逐，在前置馬主導賽事中牠亦有追近，同樣追得好的「無敵精英」翌仗可提升名次，八歲馬今季表現梅花間竹，快跳步幅開揚，在排檔轉好下，相信會把握機會攻堅。
「福星高照」及「捷報」均在總場次(130)上陣兼跑近，再觀乎同場數匹對手如「金碧科」及「獵狐者威」翌仗都可再交出表現，賽事水準可信賴，排好檔一併加入配腳考慮。
第九場 第三班 (60-80分) 1200米
「美麗笑聲」上仗初跑谷草跟前遇快步速也輕勝，找啱出路唔再轉場而且今場前置馬亦偏少，如直路非大利中外疊追，相信有力連捷。
「肥仔醒醒」上仗跟前是快步速受害者，而且賽後發現氣管多血，敗不作準。復課小休一星期後上從化重新再做工夫，谷閘一而再顯示其前速，如場地利放此駒或可在今場處有利形勢。
「銀進」上仗大半條直路都未有認真衝刺，要到最後一百望空即交出強勁追勢，論名次可以跟進一步。
「多利神駒」上仗外檔起步快夾硬拖後跑是慢步速受害者，有假敗賽績的味道，今仗再強配上陣，未可盡忘。
(波仔 14/12/2022)
Comments