平安夜跑日馬印象中好似未試過，賽期密晒籠，連早排十月因八號風球而取消的賽事也未補，只是慶幸在聖誕假期中多了一日休息期，到星期三夜馬先再跑，今期六環彩六寶獎有三百一十萬多寶，祝各位讀者聖誕快樂!
第五場泥地1650米
狀態越來越靚的「幸運天賜」，今季兩戰泥地都可有獎金，上場跑此程在中段入直路彎前踩油，在外疊走勢良好，雖然最後只能跑入第四名，其走勢唔係無晒任過，都維持到速度回來，復課更見步大力雄，容天鵬馬房今季泥地成績稱冠，一共取得九場頭馬，此駒操勇再嚟，如場地利追有力開齋。今季轉到蘇偉賢馬房後，主力向泥地攻堅的「綠登」，三戰得兩季及一次第五名，上仗如非排在十二檔焗留住衝，相信可保持繼續入三甲，今次排在三檔，回配今季兩戰皆上名的何澤堯，可用回守好位的最佳跑法， 馬房泥地的成績上名率近半，賽前更試多課閘，走勢不弱，泥地性能一再試準已有力言勝。
第八場三班1400米
難得今場遇弱組的「知道再勝」，落回三班會有一定的優勢，上季在二班屢遇強手亦常交出位置，千四米亦是射程範圍，上場雖然落第，賽後做足功夫先再出，千三磅馬無懼重磅，只要順利擺到在前面的位置，可重現其走勢，已一季無贏，有望在弱組再交出頭馬。近期常跑近的「威之星」，以往跟前到上仗後追也可以入圍，負於今季3W的「縱橫天下」一又四分三馬位，今仗由陳嘉熙換上火車潘，騎者上季曾用後追的跑法追入殿軍，今場對手不強，有權做到坐位望贏。
第十場二班1600米
上場唔放走去留，輸得難睇的「美麗宇宙」(上圖左)，經過試閘及格後再戰前仗一出即放贏的贏馬路程，經上場的深刻教訓，今次加個頭罩俾佢，只要用回放頭的跑法，這匹必值過百分的馬匹，現在評88分仍有大把在手，今日為榜首練馬師告東尼的正日生日，有望憑此駒成為賀壽馬。出賽七場得五冠的「包裝必勝」，今場雖然初跑一哩，以上場初跑千四米亦可用一個馬位輕鬆贏馬，照計一哩亦必合發揮，雖然潘頓要騎前駒，用上另一好手布文，也比較放心，馬仍有幾多在手仍未見底，相信也是另一匹一班分子，初跑此程也要兼顧。
馬王六環彩提供
第五場 | 10幸運天賜 | 11綠登 |
第六場 | 4特醒 | 5健康馬 |
第七場 | 4合夥雄心 | 6銀亮之風 |
第八場 | 3知道再勝 | 14威之星 |
第九場 | 2無心睡眠 | 4盈嵐 |
第十場 | 9美麗宇宙 | 10包裝必勝 |
(馬王 24/12/2022)
Comments