第四場四班1200米
今晚四班千二米拆了三組，頂磅馬「對衡之星」難得遇著弱組的四班，由希威森換上布文更戰力大增，此駒自轉到韋達馬房後經常抽外檔，但十二戰只有兩次失獎金跑第六名，今場有四檔先減少蝕位風險，馬房處理這匹馬亦交得相當準繩的成績，對手大幅減弱下有望取得第三WIN。放頭馬「電子兄弟」今場轉谷草一試，以往跑了十五場有四亞兩季跑入三甲，兩季也未能開齋，賽前曾試谷閘一放到底，換過批對手，出到蘇兆輝一試，今場得此駒及排十一檔的「上校」是放頭馬，118磅排五檔易擺前好放，如場地利前領更有助提升爭勝率。
第七場三班1000米
谷草一千米是「飛凡」的唯一出路，今季兩戰也有獎金，上場全程走三疊也追入接近的第四名，負於頭馬「加州得力」不足兩個馬位，現評76分在三班要長期負重磅，信賴蔡約翰馬房的功力，近期多匹馬也在沉靜期過後反彈，再配好手布文，如有好際遇有力做到坐二望一。上場第二仗出賽已取勝的「加州得力」，贏當銳的「靚蝦女」及「英豪豪邁」，更跑出21秒95的末段時間，今場蔡明紹停賽而換上霍宏聲，有「令才」在陣，步速一定唔會慢，對後追一段的「加州得力」會有利，只要聲哥搵位醒目，無遮無阻爆後勁，情況有如廄侶「又龍串鳳」，開竅後可繼續再進。
第九場三班1200米
上場轉谷草都被捧成兩倍大熱門的「美麗笑聲」，可以用一又四分三馬位贏已有谷草證明的「終身美麗」，蔡約翰馬房的馬匹，一進步起上嚟咩場地都得，今仗又有運繼續抽到內檔，跟前守好位又可再賺，今場放頭馬不多，入直路都係過一或兩匹馬，潘頓亦是上場的贏馬拍檔，找到了合適的策騎方式，操控得好即可威力展現，處於三班只是過客，有力取得今季的三捷。韋達馬房今晚另一匹由希威森換上布文的「多利神駒」，上季尾在此程開齋後，今季三場雖然只有一場跑第三，其餘兩仗雖然是落第，卻所負不遠，上場的第七名只是輸兩個半馬位，直路上都無明確的跑線，今場由十檔變回贏馬的五檔，用布文有望跑高一線，四歲馬仍有分在手，由於跑法被動，又面對當打的前駒，只宜拖。
馬王六環彩提供
第四場 | 1對衡之星 | 12電子兄弟 |
第五場 | 1駿寶 | 5風中勁松 |
第六場 | 4悅風雲 | 9躡景追飛 |
第七場 | 2飛凡 | 4加州得力 |
第八場 | 3威武覺醒 | 9安遇 |
第九場 | 2美麗笑聲 | 10多利神駒 |
(馬王 14/12/2022)
Comments