各位馬迷大家好，西西承蒙尤達師兄嘅邀請，同大家分享吓投注心得，咁耐以來我都係用街頭智慧加上前輩教路，左穿右插咁去採訪報導事實，同樣，賭馬亦都係同類及較為市井嘅方式，希望參考我嘅分析能夠幫到大家贏錢，乜都係假。
第三場一班 1200米
擂台躉熱到喊必屬 「嘉應高昇」，對不起！馬膽我則反而取 「美麗第一」，因為曾輕勝「龍之輝」，今仗「美麗第一」受讓二十磅兼有得分，唔摶等幾時？ 「嘉應高昇」雖然上次贏水準極普通之三級賽，但服役以來未脫亞席，三重彩唔要佢又違反數據。再取一對七歲馬「威力奔騰」及「幸運有您」，兩駒上季仍有些戰鬥力，但今季會踏入八歲，還有多少剩？希望主理人趁季初一併！最後選「包裝必勝」，曾經為「嘉應高昇」蹄下敗將，當時放頭走被擒，個人覺得今日應該略留會更好，今次有同廄「水晶酒杯」，另外「人和家興」、「八駿巨昇」在陣，應可守四、五位入直路衝刺！
第四場四班 1000米
葉楚航馬房能夠一出即勝之馬，基本說明係大把分在手，早升班對另一批對手，先有多幾蚊分，所以一於捧「舉步生風」，要熱頭當然要配冷腳。「日日型」經過上季馬房及馬匹減分期，減分應可追到退化速度，適合今季羅富全新血到場之前當前鋒。「專家」配上女見習生黄寶妮，前輩小米大打鞭撻馬會見習騎師制度失敗有理有節，但奈何低班短途馬實在太不堪，有些戰鬥力的馬匹，減 10磅跑已經有天淵之別。「真好運」信賴伍鵬志馬房的馬匹會有進步。最後大彩池場合要多匹「樂威煌」，點解揀佢？ 8月 31日田草千米閘，出閘後拉住唔郁行番嚟，要追嘅馬搵賀銘年，唔覺意剷個 P就夠了。
西西第二口孖T提供
第三場 8 美麗第一 > 1 嘉應高昇 2 威力奔騰 3 幸運有您 5 包裝必勝
第四場 1 舉步生風 > 7 日日型 8 樂威煌 10 專家 11 真好運
(西西 8/9/2024)
Comments