第八場 第三班 1200米 (60-80分)
「英勇快車」今季仗比仗進步，上仗尾兩段締超快步速下勝岀，更屬該場返步速趨勢頭馬，升班對應冇阻力，排檔好及有快馬開路，有力再勝。
「輝煌精英」再於前快後快的形勢下交岀表現，上季的好表現延續到今季，今次有快馬同場，而此駒跑法上亦見彈性，絶對是前駒心腹大患。
「競駿非凡」前仗跑入一席第三，但如果留意該場步速，不難發現呢匹馬係唯一能夠做岀 23秒內完成的賽駒。上仗雖落敗，但身後嘅「鈁糖武士」已剛剛補中，加上練馬師週一親試，有力轉場變身。
「展雄威」 質新馬上季尾至今連場試閘見好，田草閘稍留走勢貫注，表現絶不弱於同場另一匹新馬「包裝明駒」，加上 C+3欄排內檔始終較好，同場快馬多兼有步速 ，此駒有機走入一席。
第十場 第三班 60-80分 1400米
「遙遙領先」上季四岀全入三甲，而睇返各場賽事水準並不弱，特別上季尾 827場次中蹄下敗將已有多匹今季已交岀頭馬，應屬強組好賽績。埋門兩課泥閘走勢暢順，應配合馬房岀擊而臨，馬胆可優先考慮。
「步大威猛」上仗係快步速情況下，以甚佳末段追入一席第二，鄰近對手再岀亦能入位，雖然賽事水準有待證實，但以上場走勢，要再走入一席並不困難。賽後從化小休再臨，首選配腳。
「精算謀略」上仗屬季內初岀，在岀閘稍慢下順勢留後競跑，入直路選擇係內欄等位，可惜遲遲未望空，但留意呢匹馬呢場賽事卻能交岀甚佳末段，熱身後可變身。
「同樣美麗」同程十戰五位，可惜一再有好走勢而未能勝岀的失運馬，上仗排大外檔出閘而被迫留後競跑，待直路最後三百米才可望空，最終交出全場最快末段追回主馬群，走勢亮眼，今仗檔位內移冷腳要防。
(波仔 3/11/2024)
Comments