還有大約兩星期便會公佈下月國際賽正選馬名單，從之前香港馬會“刻意”預先公佈獲邀參賽的外國馬，對大部份為日本代表亦不會意外，近年已變成港日對抗賽，歐洲及澳洲代表不及日本般熱衷，加上過去兩年受疫情影響，外國馬主根本無法來港督戰，馬匹舟車勞頓路程比日本為長，不過今年隨著入境措施稍為放寬，便利外國馬主來港，或者最終來港的外國馬會是近年最活躍的一屆，未必讓日本專美，據老總尤達師兄指出，今年日本代表實力比去年更強，以北方牧場陣營為首，至少有力在香港瓶及盃染指，大家要留意尤達師兄屆時的分析。
頭場賽事限三歲馬出賽，初出馬達八匹之多，雖然大部份未及十足但舊馬亦不見得突出，故這類初出馬備戰稍為完整，即使只有七八成馬亦可以質補態，同時三歲馬跑過一場進度可以一日千里，八匹新馬之中比較喜歡[萬事快]，雖然試閘走勢仍欠規矩稚嫩，不過此駒加速力強，轉腳變速俐落，馬身型格討好款頭十足，前景不俗未來值得跟進，馬主伍女士對上一次與姚本輝合作已經是九十年代末期的[萬事勝]，相隔廿六年再次合作，相信輝哥不敢怠慢做好至出，今仗亦有分頭可以憧憬。
癲馬精選
第一場 6萬事快
癲馬1760基金(本金$1760, 每次投注WP各$10)
承上結餘: $1604.50; 盈/虧: -20.00
結餘: $1584.50; 回報率: -9.97%
(資料組 12/11/2022)
Comments