今季尤達下定決心要重整《癲馬精選》，與波仔輪流執筆，至今成績算是滿意，不是賣花讚花香，相信全香港冇一份馬經或者一個賽馬節目，提供全日重心馬膽好似本欄咁，廿三次賽事累積 13W 18P，過半勝出率及逾八成上名率，而當中亦有半冷份子絕非只提供熱門擦鞋仔貼士 (臨場落飛變大熱當然唔算，因非能力所能控制)，師兄不得不稱讚波仔，在和他研究過程當中，睇到佢不斷在進步，好似上次提供「手錶機霸」，既有分頭，跑法亦一如賽前預期，同時亦明白儘量避全熱門的道理，話分兩頭，雖然最後所選屬共同決定，但每次連中後到師兄接手，最近兩次都不幸斷纜 (「風中勁松」及「武林至尊」)，感覺非常 “敗家”，幸好到他接力又重拾勝軌，師兄真要向波仔講聲 “唔好意思”！
今次精選介紹第八場三班一千米，細看之下今季跑過三班一千米的馬，來來去去都屬同一批熟口熟面，邊匹臨場有形勢就掂，好有輪流贏之感，今仗具牌面馬全排外檔，不過對「連連幸運」較為睇好，這駒雖然細匹但鬥心不俗，對上兩仗出戰同程，分别跟前及居中後追都交出不錯走勢，明顯谷草比沙田更合發揮，埋門麥道朗親自快操，末段交出甚佳反應，狀態更勝上回，因為排十二檔換來不俗分頭，今仗加強配搭投麥道朗信心一票，同場「巴蕯諾瓦」曾勝從化大閘，緊隨其後正是「連連幸運」，論馬在此擁有班底，自巫偉傑接手以來表現準繩，拖Q可以加入考慮。
癲馬精選: 第八場 7連連幸運
癲馬 1760基金 (本金全季＄1760，每次投注 WP各＄10)
承上結餘：$2113.50；盈/虧：+ $65.00
結餘：$2093.50；回報率：+ 18.95%
(尤達 27/11/2024)
Comments