第二場 第三班 (60-80分) 1200米
「連連有盈」季初 009 強組贏馬，蹄下敗將之後共取 3W1Q1P，賽事水準不容置疑，上仗自制慢步速敗於超級馬「球星」，「天天同樂」，敗不足據，今場估計此駒仍可撑握住慢步速放頭跑，有力再敲勝門。
「耀寶」上仗由起步至末段都是意外重重，在慢步速無得追場合的敗績可以抹去，雖然在港大閘見速度擺前，但此駒外地屬贏馬跑法為後上，故今仗即使有快馬領放相信牠亦識追馬。
「旭日昇」上仗045 場次係步速有利情況下追回一席第三，負於「氣勢」、「鑽石星空」兩匹超級馬，賽後返從化稍作休養生息，七歲馬應趁有好狀態再拼，加上馬房處強勢，作為季初搶攻馬匹必搏盡，仍要作配。
「燭光晚餐」四歲馬來港前取得 4W1Q，已有一定成熟，故大閘走勢成熟，弱勢馬房如有可用嘅馬必不作保留，有機會初岀即與「連連有盈」放頭鬥搶，配腳不妨拖一票。
第八場 第四班 (40-60分) 1400米
「添喜運」前仗季內初岀，以尾三段快段速下衝贏對手，上仗在正常步速下沿途二疊望空競跑，入直路其實未見大幅倒退，但縱觀上仗賽事模式，前五名馬匹中頭三名嘅都係後上馬包攬，反而「添喜運」係其中一匹前領無斷嘅馬，今場排檔內移，應可復見真身，可作馬胆。
「騰龍四海」上仗在頭三段相對較慢嘅步速下，末段締同場對手中最佳末段時間，以該場計，馬匹沿途係走三疊冇遮擋情況，末段僅敗而已的表現算出色，但今仗繼續抽外擋起步，故作配較合。
「龍城強將」上仗季內初出跑第四，除了較短路程落敗外，騎者亦表示馬匹受天雨場地影響，敗不足據，翻查上季 682 場次曾勝同程嘅馬，蹄下敗將已在及後以及今季初交岀表現，賽績硬淨，絶對有力岀冷。
「新力好」獲廄侶「勇冠群英」讓路跑今場的牠，雖然曾前領贏馬，但該仗只因慢步速單騎領放之形勢，不排除此駒留前鬥後會較好，開季首課從化閘逐步追上勢頭不弱，埋門谷閘起步至直路走勢順滑，狀態已到位。
(波仔 13/10/2024)
Comments