第二場 第二班 (80-100分) 1650米
「好好心得」上仗賽後再到從化作小休及重新展開操練，其後快跳工序無缺亦逐步加壓，近日泥閘可見馬兒充滿角逐興趣，今場快馬唔多，主動可採前置跑法的牠應該好跑。
「禪勝寶駒」同程逾半數入三甲的牠，快跳墜手活躍感猶在，重口馬讓布文發揮相信更有幫助。
「紅愛舍」季初已在泥閘中見追勢，「范高爾」子嗣曾有「興爾」及「手到再來」可於泥地賽交出成績，所以突轉場地上陣，可望有新鮮感刺激下交出表現。
「保羅承傳」上仗前四名有三匹屬大後上馬匹，縱步速唔快但模式似有利後追馬，所以不排除牠的敗績屬形勢不合，正如前文提及今場快馬唔多，所以有機會於早段操控及享受慢步速形勢，泥地曾兩勝的牠，未許盡忘。
第八場 第三班 (60-80分) 1650米
「手到再來」上仗轉歲前跑泥地有心出撃，在雞蛋裡挑骨頭就係有氣量的牠騎者彎位唔敢去甩，最終比「魅影獵飛」擒到，今仗唞夠再臨環顧同場領放馬偏少，如能操控步速的話於彎位帶順，相信群駒唔易追，亦相信錯失了爭取 150萬特別獎金後，騎練應該更會醒醒定定。
「黃腳鱲」前仗賺超慢步速贏馬，但上仗沿途跟前蝕快步速下僅失三甲，表現有進步，預計也可前置跑法的牠，核心範圍加入考慮。
「亞機拉」埋門試泥閘起步唔慢，早段也見夠前速跟前，正如前文提及今場快馬唔多，如能切入，也有機會賺取步速形勢。
「魅影獵飛」及「雪山神駒」一對新勝馬復課快跳仍對辦，但跑法相對被動，臨場再看場地偏差再衡量其排序。
癲馬精選: 第六場 「1.良駒好友」
前仗已證明是強組賽事，而此駒直路稍受阻之後亦無再騎，所以少負六身位不算太差。上仗直路走近電算機路段亦屬不利路段，埋門交由騎者試泥閘來增加人馬溝通，搖身一變跑四班再減十磅，初跑泥地成冷可搏。
癲馬1760基金 (本金＄1760，每次投注WP各＄10)
承上結餘：$1568.00；盈/虧：-20.00
結餘：$1548.00；回報率：-12.05%
(波仔 24/1/2024)
Comments