連爆兩次日馬，令到六環彩累積到有一千萬的多寶，連帶第四口孖T有廿四萬多寶，三T就更有一千四百萬多寶，祝大家好運!
第八場三班1600米
初上一哩的「遨遊氣泡」，上場塞都有追勢地入Q，以一條頸位不敵在外欄衝順，之後亦連捷的「新力高升」，復課單跳走過步大力雄，試閘更輕鬆大勝，如立心搶放會更適合其步步攬的跑法，走順咗憑其忠心的性格要過佢都幾難，初增程也可致勝。連仗準繩的「仁仁之寶」上場增程到一哩，以不足一個馬位追不及「大紅袍」而入Q，上季贏過千四米，今季除初出一場較差外，之後兩場都有獎金，落腳慢增程試得合理，今場雖然後追馬多，此駒最輕磅有權突襲。
第九場三班1200米
兩場都由潘頓入圍的「金馳」，先在千二米追入Q，上場跑千四米放入第三名，今次跑回千二米途程換上剛剛奪4WIN的蘇兆輝，上賽由他接手潘頓的坐騎「喜駿之星」贏馬及「發財先鋒」亦再贏，所以換上蘇兆輝並不會是遊馬河，加上此駒有分在手，於三班是超班貨色，蔡廄今日亦有馬圖起孖。而潘頓就繼續替上場初出由他跑第四的「逐夢年代」上陣，九檔起步留後走三疊，入直路都仲係有啲生而走入負一個馬位的第四名，今次排一檔會有遮擋，但後追馬要考慮取位及曾有傷患，要五歲才出賽，進步空間未必會太大，潘頓一手摸實只搏入圍。
第十場二班1400米
現階段以千二米及千四米最好的「喜旺駒」，上場初跑泥地千二米憑級數入圍，前仗跑一哩在外面似模似樣衝一段，之後又無乜再進而落第，今場配布文排十三檔都唔怕，試閘亦刻意留後追，A欄利追、特別是尾後的場次，大前仗在此程入Q後操足再跑，要爭四歲系列有望克服二班。上場因右後腿不良於行而退出的「自勝者強」，試閘有勢走上，隔了三個月做好才再跑，雖然曾缺過課，今季才第二次出賽，排大外檔在三戰三勝的路程，望憑質素搭夠，信任蔡約翰的功力，如無受腳患影響，此駒在二班留不住。
馬王六環彩提供
第五場 | 1閃得快 | 14陸知 |
第六場 | 5佐治勇駒 | 6快錢 |
第七場 | 2精彩勇士 | 7英雄豪傑 |
第八場 | 4遨遊氣泡 | 14仁仁之寶 |
第九場 | 6金馳 | 12逐夢年代 |
第十場 | 5喜旺駒 | 12自勝者強 |
（馬王 15/1/2023）
Comments