top of page

銀亮之風替"方"謀功




星期日的婦女銀袋賽頭兩名鬥得精彩,更有好戲在後頭,相信大家都有注意到個唇膏紀念獎座,遠睇以為是激光劍,近睇更似女性的好私人用品,拎住真係唔知好嬲定好笑!



第五場四班1000米


谷草一千米兩戰皆勝的「萬事有」,跑千二米又唔到,獨沽一味此程最強,是少數馬能與巫顯東合拍,其跑法唔一定要放,就算跟在放頭馬後競跑也可,由於巫顯東停賽,用周俊樂減兩磅亦賺了磅位上的優勢,相信會跟到在「怪獸媽媽」後面的第二位或在外面跟住走,睇吓直路過唔過到。上季兩連捷此程的「怪獸媽媽」,雖然是五班頭馬,上了四班後跑了三場都有一亞一殿,於四班也有競爭能力;十月份試了兩閘課先出嚟跑,都係比佢開吓氣,短途走先有著數,只要力搶放得出,比佢在前面走吓走吓,跑順咗隨時又到,雙T場合半冷佳品。



第六場三班1800米


難出頭的「多多勇駒」留後追才能展現出應有的威力,今場有四匹快馬,會對後上一段的「多多勇駒」有利,上季跑過此程一次,跟前不是該駒的最佳跑法,今次是第二次跑谷草,相信不會犯上次的錯誤,十檔會先留在外疊,或嚟個中段變奏,在有能力的對手不多的場合,必把握開齋良機。能在此程取得跨季連捷的「鑽石福星」,四戰此程得兩冠一亞及一次第五名,今次升上三班作賽,同場對手近績平平,比起其餘三匹放頭馬「龍船狀元」孭頂磅及谷草證明不多、「皇寶」未回到贏馬時的狀態兼負重、「全民皆知」排在十一檔,所以「鑽石福星」憑著當銳的氣勢於此組一枝獨秀,上季初的兩連捷亦曾試過打疊好,就算唔贏都應該有Q。



第九場三班1200米


上場轉谷草此程即入位的「銀亮之風」,以第三名負於贏甩的「桃花盛」三個馬位跑入第三名,都甩開第四名的馬匹個半馬位,今仗再跑同程,居中後上的馬匹排在三檔走內欄有遮擋,谷草A欄入直路彎後可沿內欄偷位追上,一攻而破,贏馬而回,而霍宏聲七場頭馬中,方嘉柏佔了三場,為日後更多方廄馬騎定必搏盡。可以攞勤功獎的「量化歡騰」,勝在襟搏又常常可以接近,就算唔入三甲亦跑得接近,絕少大敗,跑到七歲都仲咁襟跑,雖然未曾在三班贏過馬,但係位置一席點都要預佢一份,鐵馬常搏常有,路程又跑慣跑熟,只嫌排在十檔會被頂在外疊及換了人騎,頂多位置。



馬王六環彩提供

第四場

1對衡之星

12鼓浪精綵

第五場

7萬事有

11怪獸媽媽

第六場

5多多勇駒

10鑽石福星

第七場

5狀元及第

8宜春輝煌

第八場

5英雄豪邁

8胡椒軍曹

第九場

7量化歡騰

9銀亮之風


(馬王 9/11/2022)

65 views0 comments

Recent Posts

See All

Commentaires


bottom of page