第七場 第三班 (60-80分) 1200米
看看今場大熱門及實力份子「爆熱」或「閃電」及「有財有勢」排檔並非太好，不排除早段過於留後靠追吃虧，不如向可前置的賽駒埋手。
「美麗邂逅」近期東廄參賽馬回復游水工序後表現亦見起色，此駒上仗欠順，沿途在後跟跑而回，而川田將雅由錦標賽至國際賽甚至到有馬記念騎「初日高升」的發揮都猶如在發夢，假如今仗換起步交回前速順勢切入，可搏冷位。
「錶壇精英」上仗賽前操練曾有停缺之下都可贏馬，今次課期正常且埋門泥閘走勢亦不俗，看「添開心」升班都照贏如儀，不排除是谷戰能手的牠負輕磅威手更大。
「穿甲鷹」近三仗跑田草對手必定較當打較惡，跑不出水準亦非出奇，換來是評分稍有減幅，重返谷戰排內檔應該勢成眾人之選，但計跑法上應有利，故四選都要揀回一席。
「有財有勢」接連交出強橫追勢跑入三甲，復課快跳並無不妥，仍可加入配腳考慮。
第八場 第三班 (60-80分) 1650米
今場有七匹馬曾在國際騎師錦標第四關的 (229) 場次對壘過，該場步速前偏慢彎位逐步加快，對後上馬的確不利，
但環顧今場前領馬唔多，早段同樣再之出現慢步速，如果「錶之量子」，一如近兩仗早段都比較慢腳，同樣都要由內檔等機會，又或者又鑽上去提早發力，所以首選都係揀返上場頭馬，有權再度跟前賺步速的「銀亮光速」，此駒賽前首度返從化作小休及操練，埋門快跳依然起勁，面對大部份蹄下敗將且七十三分掛頭牌只需負128磅，其實同樣著數。
前文提及 (229) 場次不利追，所以彎位抄出外疊追入亞軍的「錶之量子」表現的確不俗，四歲北半球馬進入升軌，且兩仗不同騎師也可交出表現似乎馬兒易操控受騎，今仗檔位內移當然是有機會反勝。
「健康之星」雖然在 (229) 場次輸到「冇雷公咁遠」但該仗五檔起步，順其自然跟跑，走走下就被頂出去外疊競跑，入彎更加飛出最大外檔，形勢盡蝕之下可當無用力敗仗。今仗換人更熟場地的潘明輝，如二檔貼到欄競跑，或可像前仗賺形勢跑入一席冷位。
「美麗滿滿」馬兒今季三仗跑入獎金名次，上仗雖然貼欄慳腳程，但都算稍蝕步速下可改變位置追入位，復課快跳翻步齊整且身輕，如再攝得好位仍可爭一席。
癲馬精選: 第五場 2.金哥兒
「金哥兒」前仗起步俯首失去先機，上仗直路轉入稍不利路段影響走勢，今仗繼續強配，大綵衣轉倉來投，廄主恨交代鬥志無懷疑，如快馬扯散找到攝得二疊位，相信對需要打開步頭的牠更好跑。
癲馬1760基金 (本金＄1760，每次投注WP各＄10)
承上結餘：$1631.50；盈/虧：+16.00
結餘：$1611.50；回報率：-8.44%
(波仔 29/12/2023)
Comments