top of page

鑽石星空質新可捧



第六場 第三班 (60-80分) 1200米


「星際快車」近兩仗轉跑千二雖然未入三甲,但前仗大外疊入彎,上仗直路取位際遇一般,所以敗績只是形勢使然,埋門大閘追勢對辦,布文再到馳騁,相信不再老貓燒鬚。


「占士德」上仗狂加十一磅上陣,賽前已面對一定壓力,然而陣上外疊競跑,抄三疊入直路,難度更大,事後看同樣前置的「駿奕快車」以及「同祥和順」相繼補中,令一席季軍賽績更加水漲船高。


「綠族豐收」上仗喘鳴復發敗不足據,小休個多月埋門操練例課無缺,馬房力求冠軍,相信拼盡一兵一卒。


「多利彩駒」近兩仗都是慢步速受害者,敗績可有藉口,然而今仗有「高進明駒」「富國兄弟」及「競駿先鋒」具前速馬匹帶領,相信有機會出現正常步速追趕,配腳兼投。




第七場 第四班 (40-60分) 1200米


「鑽石星空」連續數仗交出表現,已確認有條纜係度,然而上仗雖然三個馬位落敗,但段速結構前快後快,應該係好水準賽事,所以馬膽都係揀石哥呢匹三歲賽駒。


「遙遙領先」上場自己挨挨閘再比外側「電路十號」撞多下就失咗先機,雖然步速上略賺及沿途貼欄慳腳程,但怎計都是四甲馬中唯一後上賽駒,賽績都要尊重。


「神馳」是今場新加入對手,大閘比較慢腳,但叫做識追同肯追,最後一課大閘後快跳出腳無咁高,狀態循序漸進,加上睇操練蔡廄季尾應該仲有一兩浸攻勢,是日手馬都唔錯,兼顧住無妨。


「千杯敬典」雖然上次場地利前領,但步速上都係稍蝕,末段甩開「魯班精神」唔算太差,拼後操練工序無停,草地快跳新勝猶勇,屆時夜馬係利前置,可能一賺再賺。




癲馬精選: 第五場「11. 大勢至富」


上仗轉跑泥地,而且四甲馬中有三匹屬大後上,再結合沿途步速,相信此駒上仗屬形勢不利下的敗績,今仗回師較有根據的田草千四,內側領放馬唔多,相信形勢轉好,然而季內二月才復出的牠,來到季尾相信體力上有優勢。




馬 1760基金 (本金$1760,每次投注WP各$10)

承上結餘:$1312.00;盈/虧:+15.50

結餘:$1292.00;回報率:-26.59%





(波仔 2/6/2024)

152 views0 comments

Recent Posts

See All

Comments


bottom of page