今年沙池盃賽日隨著「浪漫勇士」落實挑戰，相信來自香港方面的關注會增加不少，日前沙地馬會公佈了各場賽事的報名馬名單，一如去年，報名馬匹數目之多令尤達師兄大吃一驚，單沙地盃報名馬數目就達 112匹! 除力求衛冕的「探查男兒」外，當然少不了「浪漫勇士」，現時國際評分最高馬匹，去年杜拜世界盃盟主「月桂河」，應屆育馬者盃經典賽盟主「塞拉里昂」，其蹄下敗將，上月新勝東京大賞典首奪 GI的「青春永駐」，同主的「新帝皇」亦榜上有名，師兄相信剛提及的馬匹將是正選之一，「浪漫勇士」首戰泥地就要面對如斯對手，路途肯定艱巨，或者跑罷傑貝哈特錦標後再作評估亦是對策，以下輪到波仔與大家交待今期我倆推介的全日重心。
回到越洋同師兄商討《癲馬精選》的節奏，今次揀了第七場「陽光勇士」，五歲馬近十仗取四勝四位，正處於大熟大勇之境，前仗於前快後快段速下追近廄侶「堅友威」及今場對手「包裝天將」，上仗沿途走外疊蝕腳程下追入一席，然而頭馬「手機錶霸」元旦日稍為蝕分下輕取華商會挑戰盃，淨係聽啲馬名都係近期當銳馬匹，反映賽績應有一定硬淨度，而田草最近接連使用，可能去到下半場更有得追，重配人馬合作三戰取兩冠一亞的周俊樂，有力再進凱旋門。
癲馬精選: 第七場 8陽光勇士
癲馬 1760基金 (本金全季＄1760，每次投注 WP各＄10)
承上結餘：$ 2061.50；盈/虧：+ $ 43.00
結餘：$ 2041.50；回報率：+ 15.99%
(尤達 / 波仔 12/1/2025)
Comments