又到了馬季煞科的日子，多謝大家對本馬網及本專欄的支持，在一季密晒籠的賽期，作為評馬人的工作當然會有吃力之感，遇著地獄賽期更是忙不過來，只要有讀者支持，再辛苦都是值得的，祝各位讀者成功標尾會。
第七場三班1200米
已有好轉的「亞機拉」，上次第二次出賽已衝入第五名，直路上由包尾追上嚟，唔計贏甩的「驕陽明駒」，與亞軍的「好友心得」只是負三個馬位，今場對手有幾匹是有近績支持，但不算是叻的對手 (除了以下落嚟要介紹的一匹)，牠們搏了成季或有疲態，而「亞機拉」只跑了兩場及有明顯進步，冷冷地要拖一票。一出即以輕鬆姿態贏馬的「包裝伯樂」，贏到再出亦補中的「金鎗武士」及「加州威勝」，雖然說是賺了當日的利放頭場地，其贏馬姿態輕鬆，末段有馬迫上嚟亦盡顯鬥心、發足狂奔贏馬，今場面對著升班、換人、排大外檔的隱憂，只要潘明輝盡快殺埋嚟，立心搶放、只有二檔的「吉龍」是會同樣搶的馬匹，憑著117磅會比流鼻血復出後第二仗的「吉龍」所負的134磅好跑，今場馬膽必是此駒，大有機會再贏。
第九場三班1600米
跑回一哩的「陽明天空」(上圖)，上仗首次跑千八米，在利前領的場地，也恰如其分追入第三名，今場跑回前仗贏馬路程，憑著例追上嚟的忠心，就算是黏地也能贏的賽駒，有望再贏多場；華將一哥何澤堯今季雖然未能到達一百WIN，今日騎足十一場，當中第四、五、八及今場都是實力坐騎，可繼續刷新個人紀錄，而連贏六期的呂健威在谷草煞科亦起孖，攀升上練馬師榜第二位，暫時以一場頭馬領先羅富全，今日正式煞科亦繼續去馬。落班的「縱橫天下」，在二班也常跑入二三名，上場遇不利步速才追不到上嚟，減了一分孭重磅跑兩勝的三班，馬房欠兩場四班以上的賽事才達標，搵到上次贏馬的潘頓盡人事，憑著忠心又有班利，位置一席可期。
第十一場二班1200米
今季最後一場賽事，看好一對來季會在大賽見的超班份子；上場「金馳」跟前咗、走二疊放頭，返嚟騎落去無，最後二百米乏力，連位置都失埋得第四名，這匹蔡廄來季的大賽棋子，只要用回稍留去追馬的跑法，於二班只會是一場表演賽，賽前更試閘教馬匹留住跑，直路上自動走上，用意明顯，更有埋廄侶「魅力寶駒」開路，可為這對冠軍騎練紅盤埋齋。上場末段爆21秒74快時間贏馬的「美麗奔馳」，可以衝得贏跑錯的前駒，再出亦補中的「順勢而飛」，而上賽是隔了三個月才跑可克服二班，賺了體力的四歲馬與蔡明紹相當合拍，歷來三WIN都是由他經手，唞完第二鋪仍會有優勢，可與前駒一Q返嚟。
馬王六環彩提供
第六場 | 5艾利奧 | 9話你知 |
第七場 | 3亞機拉 | 14包裝伯樂 |
第八場 | 2自勝者強 | 4綫路之星 |
第九場 | 1縱橫天下 | 8陽明天空 |
第十場 | 4精算謀略 | 14光年八十 |
第十一場 | 2金馳 | 5美麗奔馳 |
(馬王 16/7/2023)
Comments