雅典武士三班夠贏

第四場四班1200米

上場輸意外的「雲行駿起」，起步失機全程無遮擋，當是一場遊馬河的賽事，三歲馬漸漸成熟，有埋一檔好幫手，今季首次配潘頓，騎者今晚成手惡馬，這匹晨課已見走勢，鬥心增強，前置為該駒的最佳跑法，且看直路上能否先發制人。轉到賀賢馬房後已跑了兩場的「特攻」，兩場都是以不足兩個馬位追入殿軍，今次首次交由巴度上陣，望能騎得出應有的後勁，在八檔索性留住追，前面有「伶俐驫駒」、一檔的「雲行駿起」等快馬，會有足夠步速比佢追，未交代的馬匹，臨近季尾要多加留意。

第七場三班1200米

今季三月才復出的「祥勝霸駒」，在田草千二米跑第七名，只負於超班的「你知我拼」三個馬位，以一匹八個月無跑的五歲馬嚟講，屬合格的賽續，跑過一場後轉谷草，上季的兩WIN是排在一檔，今次排三檔比上場的九檔好，可搏季尾賺體力，會有賠率，拖一注無妨。相隔一週匆匆再戰的「怡勁力」，上場只以一條頸位負於放頭贏馬的路程專家「量化歡騰」得第三名，初跑谷草亦可以入圍，而出賽四場全有獎金，得一亞兩季，與上仗一樣抽到四檔，對這匹跟前的馬匹會好跑，潘頓唔放手，黎昭昇馬房亦屬穩定，騎練合作成續佳，搏到贏為止。

第九場三班1200米

上場初上三班也入Q的「雅典武士」(上圖)，只是負於減夠分的「伊臣」一條頸位，同埋該場排在十檔，遇上排四檔的「威妙星」先埋欄領放，「雅典武士」要走二疊跟隨，輸蝕了形勢，初上班屬合格，今次回配潘頓，有埋一檔，形勢可扭轉，出馬唔滿額及會搶放的對手不多，今場賺到笑，馬房今晚充滿動靜，這匹質新谷草能手可在三班贏馬。繼續排好檔的「運高八斗」，上仗雖然贏得驚險，只係偷內欄上前僅勝放頭馬「電氣騎士」半個身位，取得首場勝仗，四戰此程得一至四名各一次，有好檔的路程專家，開齋後仍然要繼續兼顧。

馬王六環彩提供

第四場	9雲行駿起	11特攻
第五場	4勇眼光	12大家開心
第六場	3健康馬	4駿行星
第七場	3祥勝霸駒	7怡勁力
第八場	1陸知	4喜蓮慧星
第九場	3運高八斗	7雅典武士

(馬王 19/4/2023)