第四場 四班 1200 米
前仗贏馬的「電訊飛車」，上仗因孭住頂磅，追勢未如理想，只能恰如其分跑入第四名過終點，今次搵鍾易禮減少五磅，趁馬仍勇再圖為徐雨石馬房追數，騎者上賽日為師傅告東尼起孖，其中「亞機拉」更可守好位而贏馬，與今場的「電訊飛車」跑法相似，有五檔會容易跑，騎得起末段的追勢，仍足今場機會分子。方嘉柏新馬「飛雲」次仗轉谷草，在當晚不利追的場地，以 22秒 35的最快時間及蝕位入第四名，以一匹初跑谷草的 PPG 計，應是有質的馬匹，今場屬四班弱組，質新馬可搏憑體力搭夠，冷冷地咪放過。
第五場 四班 1200 米
兩仗都有追勢的「星運皇爵」，上場由田轉谷竟然比初出無乜走勢的表現好，由第十一名大幅提升名次到跑第四名，該駒在出閘又緩慢，直路又受困，跑過一仗後狀態急速到位，排慣外檔用艾道拿，走位會比田泰安醒目，隨時一網打盡。贏馬後仍以高難度入圍的「花好月盈」，由於換排外檔，出閘又笨拙，要留到最後競跑，卻可以一條直路追入第三名，反映仍有分在手，與賀銘年又合拍，只比上場加多兩磅，排回內檔又可用贏馬一役跟前的跑法，黎昭昇馬房嚟到季中轉好，這匹「花好月盈」有權補中再贏。
第九場三班 1200 米
蔡廄的「有財有勢」前仗在此程贏馬後，上仗由潘頓換了賀銘年，起步時慢一慢，在當晚不利追的場地跑入第三名，蝕外疊追不及內欄的「銹糖武士」及「旭日昇」，賀銘年上季亦贏過此駒，而今季馬兒跑了十場，只有兩場無獎金，亦成功征服了三班，五歲馬今季勇熟再增，有權在三班贏多場。連仗穩定的「顏色大皇」上仗成功打開勝利之門，四歲北半馬開竅後可繼續追捧，再由鍾易禮減磅，放頭馬排埋二檔，就算八檔的「人和家興」殺埋嚟，也可以守在有欄的第二位跟住先，跑法機動正值升浪展開，直路走甩先搏你哋追唔到。
馬王六環彩提供
第四場 | 1 電訊飛車 | 4 飛雲 |
第五場 | 7 星運皇爵 | 10 花好月盈 |
第六場 | 3 耀寶駒 | 12 北海盜 |
第七場 | 4 皇仁福星 | 6 武林至尊 |
第八場 | 6 開心勇駒 | 7 君達得 |
第九場 | 4 有財有勢 | 5 顏色大皇 |
(馬王 20/3/2024)
Comments