top of page

電訊飛車評分見利



20、23、26、29、1、4、7號,唔係報緊六合彩號碼,係地獄賽期的日子,在投注額次次跌的日子,咁嘅安排又唔知會跌幾多,出馬又有幾多場會唔滿額,最苦是一眾賽馬從業員,每隔三日跑一次馬,真係佳節當前思緒亂。



第五場二班1650米


繼續搶分的「超超比」連續三仗贏來不費吹灰之力,隻馬出到外欄,自己以強勁追勢撲上,準一班馬現評86分,就算初跑二班也是擂台躉,正在衝緊分上去為出年的打吡大賽攞入場券,今場對手少、出馬又少,又會是一場表演賽,上百萬挑戰盃榜首。長期在晨課見好的「喜旺駒」,田草千四米及谷草此程經常跑入二至五名,令評分長期停留在八十分頭,繼初出一口氣四捷後,上到二班停滯不前,但買QT又唔可以飛走,佢又常常追近,今場出馬得八匹,要闖入一席唔難,圖搏一席半冷,




第六場四班1650米


上場大勝的「極速奇兵」,只跑到第五場就贏馬,自前仗轉此程得第五後,翌仗即以五個馬位大勝長期入Q的「成才」,可以話進步神速,加十分後要加多十二磅跑,正在進步中的千二磅馬影響不會太大,縱使排在十檔,質素比同場對手超,今場大可贏馬升班。上場負於強手的「赤兔猴王」,輸比今季在此程三捷的「獨角獸」,都與第三名連續三場入圍的「得意佳作」同時過終點,告東尼馬房近期比較靜,已四期無交出頭馬,近三期更每日一P,這匹「赤兔猴王」繼續交比希威森上陣,排在九檔要搏早段搶到二疊生位,一有啱形勢就可交出應有表演,搏好開就好。




第七場四班1200米


在四班已接近的「電訊飛車」,上仗排大外檔索性放頭跑,返嚟都只是以不足個半馬位負於「錶壇精英」,連續兩場跑第四名,其實放頭並不是此駒的最佳跑法,今次排檔比對上兩場好,六檔可攝在有遮擋的位置,評分已回復到贏馬時的水平,希威森已摸熟此駒,今場亂局隨時可出冷,為徐雨石取得寶貴的頭馬。連贏十三期的伍鵬志,今場有打王牌的「闖一」上陣,搵返贏馬的巴度,雖然是五班頭馬,今季在四班兩次跑第四名,而上場在末段取位欠順而落第,卻只是負兩個馬位給「凌厲」,以馬房的旺勢,有理無理,係馬都去,憑最輕磅之利可闖入一席。



馬王六環彩提供


第三場

8耀寶駒 

12宏才

第四場

9鑽飾翱翔 

12日新月著

第五場

6超超比

8喜旺駒

第六場

2極速奇兵

4赤兔猴王

第七場 

3電訊飛車

12闖一

第八場

2好友心得

12添開心


(馬王     20/12/2023)

57 views0 comments

Recent Posts

See All

Comments


bottom of page