
第一場五班 1200米
「日日獎」上季跑足 17 場,可是鐵馬,五月尾終由布文策騎勝出同程,沿途守外疊生位,直路「係咁意」推騎就睇住嚟食,五班可謂著數至極,馬房今季頭馬全由布文策騎所得,正處於蜜月期,馬膽之選。
「閃耀威龍」 35 分贏過同程,現評 38 分有一戰之力;「鑽飾翱翔」一年前連贏兩場 1000 米快活谷草地,採取放鷂戰術,上仗初出試馬,今次放出跑入三甲甚至勝出不奇;「最多歡笑」輸都接近,亦贏同程,拖埋佢;「帝豪歡星」減至最低評分 21 分,上季連續跑入三次位置後無以為繼,轉馬房後又放頭又留後跑,上季 364 場初跑泥地 1650 米在八百發力直路後散晒,且看今次縮落 1200 米會不會爆個石破天驚!小心此馬。
第二場五班 1600米
「領航傳祺」前季在四班次次跑近,降班轉馬房後在上季尾 753 場次大漏閘,竟在最後 200 米排眾而前擊敗「皮具大師」及「美麗多盈」,神經刀已熱身一場表現不差,畢竟係識贏嘅馬,T 膽不作他選。
「電玩勇士」落五班作賽,把握對手弱;「樂捉鳥」亂跑一通,鍾意就放,唔鍾意就居後,無任何戰術可言,好處係檔位理想,搏守好位跑入一席;「喜報圍家」上仗終於出頭,一條直路殺哂,加七磅未算太重磅;「高氣派」上仗 1400 米直路中檔追馬,太均速輸近,反而 1600 米會好跑。
西西第一口孖T提供
第一場 1 日日獎 > 4 閃耀威龍 6 鑽飾翱翔 7 最多歡笑 9 帝豪歡星
第二場 8 領航傳祺 > 1 電玩勇士 2 樂捉鳥 6 喜報圍家 7 高氣派
(西西 28/9/2024)
Comments