第一場 第五班 0-40分 1200米
「夢幻駿駒」大前仗跑第二，同場冠季軍之後均再交出頭馬，賽事水準高。上仗後備補出，而且同場有超級馬在場，沿途留後走外疊跟跑一場而已，今有降班變數，排檔不俗可變身求勝。
「世界籐王」上仗相對慢步速情況下後上跑第二，查當晚泥地應較利跟前馬匹，有反步速趨勢表現。今次抽一檔起步，預期可慳腳程競跑，有力走近。
「宇宙動力」谷草千二岀賽八次有四次上名，此程應屬呢匹馬較佳路程，排中內檔起步可跟守馬群中競跑，配腳要拖。
「鄉村樂韻」上仗季內初岀沿途內疊競跑，入直路一度無法望空，最後百多米才能全速衝刺，僅失一席位置屬際遇問題，以上季呢匹馬係四班走近嘅走勢，熱身後可望更進一步表現。
第三場 第五班 0-40分 1200米
「飛躍精英」前仗水準甚佳，連同此駒已有三匹馬再岀跑入亞席。上仗岀閘順暢，在相對正常步速情況下，只負頭馬頸位的表現仍見穩定。今仗對手中應只有「鼓浪飛凡」屬放頭馬，排三檔起步嘅佢，應可把握形勢跟守好位，有力重啟勝門。
「神速馬車」上仗受制於排大外檔起步，表現令人失望，縱觀季初兩場賽事嘅末段走勢非常好兼能開岀快時間，今仗抽到二檔起步，潘頓繼續策騎應可收復前失，爭勝分子。
「前風」近兩仗排同程雖排外檔起步，但呢兩場賽事均能走岀不俗後勁走得接近，今次排檔並非理想，但如果留放係較後位置得宜，以此駒近兩場嘅後勁，應可走得接近。
「友誼喜悅」上次季內初岀，表現並不太差，末段有一定走勢，臨場賠率著啡燈落飛搏失。今次排檔形勢與上次相類近，騎練合作勝岀率高，此駒可望有更進一步表現。
(波仔 6/11/2024)
Коментарі