開鑼不久，檢視一下騎師表現，首先已贏三場的蘇兆輝已接連因陣上犯規而需要停賽，剛剛連中三元的田泰安又因健康問題暫時退下火線。嘉里及巴度更是失蹤人口。似乎只剩下潘頓最靠譜，而本地韁大部份都已打開勝門，蔡明紹應不用擔心，希望其他騎師可趁較大名的騎師缺陣爭取成績，有個均勢局面無咁沉悶。
第二場 (80-100分) 第二班 1650米
「連連歡呼」上季五零九場次沿途步速逐步加快，對後上馬稍不利，馬兒在該仗是負頂磅兼初跑谷草上陣，難度絕不低，所以在末段能收復失地兼追近同程實力對手，反映牠應可勝任急彎窄場。查外地贏三級賽一場可守前置位競逐，今仗排四檔起步，估計沿途形勢不俗。
「電訊巴打」上仗後上馬主導三甲，所以負頂磅兼放頭的牠最終能保住一席殿軍的表現已算不俗。埋門大閘應聲彈出，有作戰情緒，而且同程十三戰逾半數上名的牠今仗又有機會獨自領放，形勢仍好。
「同舟共濟」馬兒快跳及試跑走勢躍躍欲試，狀態已備，雖然賽績上跑至二千二贏馬，但實際上只是跑千二，大家撳慢步速鬥爆一段而已，今戰升班負磅減輕，而且一再於慢步速爆得起的牠，仍屬可爭分子。
「歡欣福星」上仗雖是形勢上對後上馬有利，但入直路前被阻，影響起動作被主馬群先發力，同樣末段交出追勢，走勢復甦。最後試跑馬兒躍躍欲試，估計快將六歲的牠也要趁季初盡用。
第三場 (40-60分) 第四班 1000米
「靚蝦女」剛戰起步唔太快，亦因排外檔被迫留後攝位，最終可收窄直路早段走甩的前置馬半馬位，表現算不俗，今仗檔位內移，而且磅位上有些少拉闊，希望形勢轉好下反先老對手。
剛戰騎場狀態甚突出的「想見你」大致跑啱，但勝在同程四戰有三次跑入亞軍，整體算是準繩，即使唔再買W但仍要加入配腳範圍。
而今場新加入對手也不少，當中「富高八斗」上仗沿途走外疊兼望空，贏馬絕非靠有利形勢，今場仍有不少快馬列陣，可稍為後追的牠會好跑。
另一匹新加入的「幸運之神」去季初出可跑入一席，不排除擅跑新鮮，而在上季總場次（599）跑同程，早段留後稍為劣勢，最後直路能大幅追近「靚蝦女」及「華麗活力」，證明窄場合發揮。
第五場 (0-40分) 第五班 1200米
「鼓浪精綵」同程雖然跑三次未見上名，但兩次排外檔蝕腳程，上仗則二疊望空蝕快步速，敗績有藉口。埋門大閘留放從容，走勢順滑，新季見有進步，初降五班可爭首勝。
「雪茄之友」 北上操練有成果之下今季倉主繼續效用，雖然排外檔起步，但內側可能只得「天足貓」夠快，如今場順利切入領放，在壓地後一場也可能利放領馬匹，成冷要拖。
「醒目勇駒」 剛戰跑直路一千未必合腳法，可當熱身開氣之用，老馬復課快跳仍有啖火，今仗降班兼跑回贏馬路程，配腳看待。
「精算其然」開鑼日守好位之下未入三甲稍稍失望，但查上季四月復出復熱身兩仗後才能交出表現，不排除馬兒需要熱身。谷草早在上季十二月中見走勢，相信窄場可以應付。
(波仔 21/09/2022)
Comments