信心星搏底出

剛過去的週三夜賽，田泰安因為尾場策騎「家樂龍駒」因用鞭過度而被罰停賽兩日，成為今季新例的首位「紅牌阿姑」；雖然陣上有鬥志拼勁固然係好事，但無奈條例列明就唯有要遵守，不過田泰安的粗枝大葉都並非今日先見識過。講到騎師陣上淡定夾自然，執筆之時波仔正看著今晚 S2-5 的 3600米大長途俄國皇儲讓賽，當中尤達師兄列作首選的「避暑行宮」(見下圖) ，由師兄推祟備至的 Billy 仔盧彥寧執韁，此子沿途留守馬群最尾列，心想重重圍困如何走出空位衝刺呢？誰不知捐下又上啲，等多兩下更加有位打衝鋒贏馬而回，一位年僅 19歲的小伙子果份耐心同淡定簡直賞心悅目，雖然英國馬季即將煞科，但轉播賽事愈來愈多，相信要欣賞已露出頭角的年青人的機會愈來愈多。

「信心星」雖然今仗初次面對二班賽駒，不過一來有季內賽績，相信作戰狀態不俗，其次跑法能跟擅鬥頗為彈性，綜觀今場除了廄侶「舞林密碼」夠前速外，還有「水晶酒杯」應會搶放，或者會帶快步速，擁千四甚至一哩氣量的「信心星」不排除可以受惠形勢，成冷勿忘。

癲馬精選: 第九場 10信心星

癲馬 1760基金 (本金全季＄1760，每次投注 WP各＄10)

承上結餘：$ 1680.00；盈/虧：- $ 20.00

結餘：$ 1660.00；回報率：- 5.68%   (上季回報率: + 5.88%)

(波仔 12/10/2025)