勁大威猛鬥志鮮明

今日上演本季最後一場一級賽遮打盃，志切做返一屆三冠長途王嘅「浪漫勇士」擺下擂台，但亞季殿軍有咩睇法，不妨睇下尤達師兄同波仔嘅《遮打盃特輯》，看看有沒有靈感衝撃。臨近季尾時間，牌照委員會好快又會公佈下季騎練陣容，近季都在邊緣徘徊的巫顯東剛剛夜馬頻石廄的「星火燎原」贏出今季第五場勝利，首先要比掌聲練馬師，中年馬重回四班即時催谷起狀態，更有情有義，雖然「星火燎原」有內檔之助，但巫顯東早段霸守好位，不慌不忙，然而直路末段催策依然實淨，都係果句巧婦難為無米之炊而已，機會始終都係留比有準備嘅人。

今次《癲馬精選》揀第七場「勁大威猛」，上仗五月三日的跑道偏差為大利沿途貼欄賽駒，然而一直固守內欄的牠，在中段移出外疊的跑法實在令人費解，所以敗績未可作準。現在評分及負磅跟季初贏同程時相若，換上贏馬拍檔巫顯東鬥志毫無疑問，不妨再給予多一次機會。

癲馬精選: 第七場 12勁大威猛

癲馬 1760基金 (本金全季＄1760，每次投注 WP各＄10)

承上結餘：$ 1850.00；盈/虧：- $ 20.00

結餘：$ 1830.00；回報率：+ 3.98   (上季回報率: + 5.88%)

(波仔 24/5/2026)