十二神將縮程有計

第六場四班泥地 1200米

初出直路贏馬的「最好玩」，今次 ”我願轉場走嚟泥地對你單眼”，嚟得早一出就贏的葉廄馬屬馬房少見的賽績，轉泥地排一檔，八月試兩閘亦刻意擺前，力度有增無減，繼續有潘頓又是贏面壓一的局勢。跑兩仗後有第五名的「勁先生」，辣操嚟迎新一季，排十一檔對後追馬減少受阻風險，而試閘亦追勢佳湧上，兩課泥地快操試走勢，坐騎不多的班德禮都要爭取表現，初跑泥地搏一席冷位。

第七場四班 1400米

贏過田草一哩的「十二神將」，之後增程千八米得第三，去到谷草一哩好似唔想跑咁，末段追到唔追，跑罷該場後索性四月提早唞暑，九月三日的一課試閘，繼續由潘頓摸實，有番追勢，騎者唔放手，加上已有過長途氣量，初出縮程亦有贏面。霍宏聲一手摸實的「妙算高歌」，贏馬後繼續做足功夫，上季放頭放出彩虹，廖康銘開季奪 3W，霍宏聲兩次賽事都有馬贏，就是勝出廖康銘馬房的馬匹，騎練合作愉快，開竅後可期望繼續穩定。

第十場三班 1400米

近績硬淨的「陽光勇士」，此程由四班上都三班都可以再贏，近仗主攻千四米，不受場地所限，好地或是黏地都贏得，周俊樂亦贏過此駒，人馬再臨追一段，姚本輝馬房望能憑此駒開齋。操足而臨的「星運少爵」，賽前做閘屬方廄出擊的手法，都是以舒展腳頭為主，此駒與何澤堯合拍，雖然未出頭，但四次策騎都追入圍，這匹五歲馬在上季上陣七次只有一場無獎金，料今季會有頭馬進賬。

馬王六環彩提供

第五場	2 友瑩仁	3 錶之將來
第六場	1 最好玩	7 勁先生
第七場	4 十二神將	5 妙算高歌
第八場	1 喜至寶	3 包裝伯樂
第九場	1 當家精神	4 魔術控制
第十場	2 陽光勇士	10 星運少爵

(馬王     15/9/2024)