天火同心破斧沉舟

最後五十米「遨遊氣泡」經已帶離三個身位，繼而率先衝過終點後，三十一年後，香港馬圈終於出現另一匹長途三冠王，波仔當日在中環投注體驗店同眾馬友一齊同呢匹六歲馬齊聲打氣，好不感動，高興過後，馬友之間自然討論今年馬王會花落誰家，而波仔揀的話，都係會揀難度系數較高的「遨遊氣泡」。另一個話題就想起身處北海道的「金鎗六十」，假如佢有睇電視的話，唔知會否後悔想當年有兩次機會都無去嘗試一下衝撃三冠長途王美譽呢！

第二場「快樂奇兵」，「進優自在」近期都曾由布文策騎兼有上名紀錄，而最終布文選騎「天火同心」，此駒早於 338場次的田草千二於慢步速形成下見點追勢，上仗跟前稍蝕步速外，而同場已有數匹對手翌仗提升名次，賽事水準不俗，埋門試泥閘見前速，細看今場快馬唔算多，不排除可憑前速移入內欄單騎領放，半冷可敲。

癲馬精選: 第二場 4天火同心

癲馬 1760基金 (本金全季＄1760，每次投注 WP各＄10)

承上結餘：$ 1819.00；盈/虧：- $20.00

結餘：$ 1799.00；回報率：+ 2.22%

(波仔  28/5/2025)