奧璇璧型到爆響頭炮

踏入十一月已跑到第十八回合，撇除兩日停賽，潘頓今季每個賽馬日都有馬贏，但騎師榜排第二，三，四，五名全都是本地騎師，其實絕對好事，起碼不會如九十年代說到本地騎師畢業變失業。近期不少馬迷提及到希威森今季表現大不如前，替他擔心，但筆者則想替他平反一下，雖然單講贏馬數字只得一場的確少，但其實最大問題都係無實力馬在手的惡性循環，但如果您細心睇，但此子近來跑如「喜駿昇星」初跑泥地一哩控制步速放至最後一步才被充滿證明的「開心宇宙」僅僅趕過。「星願無限」，「總統輝煌」早早已搶黃金包箱位，但前駒上仗已證明衝力稍短，所以慳到盡又係位置，後駒以極下駟身份賺慢步速而近，如果只是拿兩場「狼來了」的塞車及贏馬數字就只有批評，筆者認為跑得好時都出來讚下，否則不要評馬了。

今屆婦女銀袋賽有奧「璇」風—奧璇璧開始展開客串期，定必成為焦點。首日已有十匹座騎，數量跟當紅炸子周俊樂睇齊，而頭場「型到爆」三戰田草千八悉數入位，而上季同程蹄下敗將「夢照發」，「特別美麗」之後均可再贏，實力亦有證明，雖然今場屬季內初出，而且操練上曾有停缺，但路有專長且排檔不俗，相信奧璇璧的硬功有助此後上馬發揮，且看能否打響頭炮。

癲馬精選: 第一場 11型到爆 (隔夜賠率：9.2倍)

癲馬 1760基金 (本金全季＄1760，每次投注 WP各＄10)

承上結餘：$ 1708.50；盈/虧：+ $45.00

結餘：$ 1688.50；回報率：- 4.06%   (上季回報率: + 3.55%)

(波仔 8/11/2026)