幸運星球收復前失

第一場 第五班 (0-40分) 1200米

「怪獸豪俠」前仗谷草同程輕鬆贏馬，鄰近敗將再岀亦有一定表現。上仗轉場兼遇上濕慢泥地兼弱配，落敗可有解釋。今次回師最擅長路程，應有心再拼，仍可信賴。

「鄉村樂韻」上季中曾數於四班同程走近，雖未曾走入三甲但收到減分之效，腳患馬今次喺從化做足而臨，埋門兩課閘走勢甚佳，礙於未勝馬，作配較合理。

「星運皇爵」幾經辛苦開齋贏馬，雖然該場為快步速受益者，但末段依然交岀快時間，此組對手亦非突岀，不排除贏完可以再贏。

「飛躍精英」今季雖未勝但連場表現見好，上仗屬反步速趨勢馬跑入一席第三，末段更是同場之最快時間，以往谷草同程亦曾上名，加上同父馬谷草短途表現亦可信賴，有力推翻大局。

第四場 第四班 (40-60分) 1200米

「幸運星球」上仗雖然同程落敗，但如果睇返當晚三場四班，以及一場三班嘅 1200賽事，不難發覺此駒當晚做岀四場同程最快嘅頭兩段分段時間，入直路墮退不難理解。睇番上季尾贏馬對手並非弱者，今場排一檔如能把握步速形勢，有力收復前失。

「勇威神駒」上仗谷草同程排十檔起步，全程局住留係包尾位置競跑，入正直路係外檔衝刺，最後二百依然未能望空，末段衝勢甚強，睇返段速，末段係不利情況下仍能交岀 22.60嘅快時間， 今場排檔內移，如發揮正常，絶對有力一戰。

「翠湖烈風」四歲馬插班初岀，近幾星期連番試閘操練正常，埋門一課田草閘岀閘暢順，沿途走勢集中，應屬操足而臨嘅馬，同母系馬曾勝谷草短途，估計谷草應可應付，選擇呢日初岀，應配合馬房攻勢而來，可推翻大局之選。

「九秒九」同程三冠兩亞一季，應屬首本路程，雖然三場勝仗均係五班取得，但以四班仍能入Q嘅賽績去計，今場仍屬於配脚要拖一票嘅馬，馬房谷草成績亦好，拖一票無妨。

(波仔 27/10/2024)