心中有馬話你知

來到季中其中一個重頭戲香港打吡大賽，尤達師兄亦都喺佢《尤達賽馬頻道》嘅《尤達BEST BETS》 分享咗佢睇法，未睇嘅馬迷朋友記得捧場。而今屆最得別當然係華將擁四匹座騎，蔡約翰亦提供座騎給楊明綸，比對上屆華將一匹參戰馬都無，縱馬匹機會欠奉，的確都係鼓舞，而外圍庄家列出大，次熱門正是「小烏天堂」及「數字天文」，筆者希望今屆兩位華將可以交出超水準，尤其梁家俊可以取得首個香港打吡殊榮。

今次《癲馬精選》其實在三月一日已經提供過，呢匹就是隸屬方嘉柏馬房的「話你知」，呢匹七歲馬上仗跑較盲門的二千米，縱使遇偏快步速但前中段亦留得太後的牠，實在難以收復失地，今仗跑回大前仗入位的千米外，麥文堅臨別秋波之際，棄騎同場季內合作曾勝的「火悟空」而就，相信心中有馬，所以決意再跟一次。

癲馬精選: 第八場 1話你知

癲馬 1760基金 (本金全季＄1760，每次投注 WP各＄10)

承上結餘：$ 1955.50；盈/虧：- $20.00

結餘：$ 1935.50；回報率：+ 9.97%   (上季回報率: + 5.88%)

(波仔 22/3/2026)