快樂奇兵動態積極

第二場 第五班 (0-40分) 1200米

「快樂奇兵」上仗受惠慢步速情況下落敗跑第四，但話雖如此，睇番三甲馬模式，此駒屬反步速趨勢馬，故這一席殿軍仍要尊重。賽後從化小休兩週後加強操練，埋門連做多課登山操練，動態明顯，可期進一步表現。

「精英至尊」季初 44分時仍能入位，其中 144場次係排外檔沿途留後跑，結果末段走岀 22.86快時間追近，名次雖然唔起眼但表現唔算差；輾轉減分至五班岀賽應有力言勝。

「金駿星」已先後兩次轉換馬房，評分亦由到港時嘅 66分減至目前 38分。係今次轉倉前已多次見走勢，二月轉入韋達馬房重新一套操練程序，係從化馬房大圈、登山跑道練氣工夫做足完整，馬主應求儘快有交代，相信一岀即拼之心明顯，不可不防。

「三代同心」季中階段連續見好，共取得三亞兩季，表現準繩，亦兩度負於實力指標「超勁火力」；近期表現有所回落，評分已下降至 34分新低，今仗亦不用負重上陣相對比之前有利，如今場發揮正常，要再走入一席不足為奇。

第四場 第四班 (40-60分) 1200米

「獵寶勤」上仗段速屬當晚較快一組，而一席亞軍更屬前置馬中表現最好一匹，埋門再有加油閘砥礪，再跑同程敲響勝門。

「駿馬之星」大前仗跑同程，在雙蝕形勢下見追勢，先可見馬兒谷草可以應付，上仗再跑同程，直路馬群衝刺受阻後仍有餘勢追上，再看同樣無甚追勢的「五福星」翌仗可提升名次，足見賽事水準不俗，換人再戰排好檔可以冷敲。

「嘉應威風」岳頭搶口馬，上仗沿途外疊難以穩定走勢，今仗檔位內移可防回馬槍。

「高感」初出田草即可入位，鄰近同到終點賽駒之後繼續識贏識上名，小休有體力可列冷選。

(波仔 2/4/2025)