星際快車爭三連捷

雖然仍在二月份時間，但講定今季冠軍騎師是潘頓相信大家都唔會有人反對，不過潘一哥踏入二月份似乎手風略欠順，皆因截至上個賽馬日，潘頓 49匹座騎取3冠10亞6季，勝率只得6個巴仙，上名率三十八巴仙，如果比對今季每個月平均 14冠之下，今個月的確連番搏失，雖知道騎師都是運動員，強如美斯也未必每場都可以入波，但作為普羅馬迷，絕對要以馬匹實力行先，切忌追纜式地追捧，例如剛剛日賽尾場「志滿同行」千二未再之下卻要增程面對另一批千四米對手，所以絕對需要有一對回報率才值搏，而且閘前連環打呵欠，似乎頗有倦意，今次潘頓有九匹座騎，執筆時騎師王熱至 1.15倍，馬王「嘉應高昇」縱出戰千四米但相信無大懸念，其餘「閃電小子」及「友瑩亮」都有贏面的賽駒，希望潘一哥能及時回勇。

《癲馬精選》揀少馬場合第四場，今場「年少多好」及「八駿巨昇」雖然有輕磅之利，但級數上較次，其次最高分的「賢者無敵」季內作戰狀態並非出色，最大對手「顏色之皇」亦曾有缺課之瑕疵。相反已打疊兩連勝的「星際快車」陣前三試大閘起步反應均對辦，狀態上有進無退，雖然一下子多負十八磅，但相對今場其他對手，此駒正處當銳，亦估計廄主不太作特別保留，有力再下一城，三連捷在望。

癲馬精選: 第四場 3星際快車

癲馬 1760基金 (本金全季＄1760，每次投注 WP各＄10)

承上結餘：$ 1980.50；盈/虧：- $20.00

結餘：$ 1960.50；回報率：+ 11.39%   (上季回報率: + 5.88%)

(波仔 22/2/2026)