東方魅影縮程補中

眨下眼快到聖誕賽期，先是本週六將會上演十一場賽事，而下週二亦有谷草九場賽事，早前馬會曾提出正積極考慮之後日賽加至十二場，以便舒緩四班賽不時大塞車的情況，不過波仔認為此舉或許只能解一時之弊處，皆因現時的加分制度大多數以勝負距離作調整，短馬頭分勝負就最多只加六分，但係減分機制太快就才是令到中下班次塞車之首，因新馬三數場敗陣就已經減到去四班中下游，假以時日，不排除又到五班賽大塞車時莫非又再加場，所以先決條件變回舊時評分加減制度，之後再續。

第二場「東方魅影」上仗領放雖然是慢步速受益者，最終仍未有三甲一席，不過再翻睇此駒之前賽事片，似乎馬兒比較力短，現在回師季內入位的一千米更合腳法外，此駒季內同程入位時是採用稍留後上的，所以不排除上仗主動望空放頭不是馬兒最佳跑法，今仗排好檔可再給予一次機會。

癲馬精選: 第二場 3東方魅影

癲馬 1760基金 (本金全季＄1760，每次投注 WP各＄10)

承上結餘：$ 1628.50；盈/虧：- $ 20.00

結餘：$ 1608.50；回報率：- 8.61%   (上季回報率: + 5.88%)

(波仔 17/12/2025)