枕頭之星不可不防

第四場 第四班 (40-60分) 1200米

「兄弟再盈」上仗起步慢一慢，沿途留係內欄走，沿途步速偏慢非有利，但尾八百米竟可交出快時間追近主馬群，表現令人刮目相看。賽後從化繼續操練未有放鬆，大圈、登山練氣做足，今仗有力言勝。

「小鳥天堂」三歲馬插班初岀，十一月開操至今操練工夫程序完整，二月尾田草一千米全程放頭走勝岀，細心留意呢匹馬喺直路曾兩、三次換腳；三月中再試一課泥閘走趨上嚟已見進步，直路走勢比之前貫注，初岀已有留意價值。

「笑喜喜」上仗早段三疊望空外，三甲馬模式為後上馬主導，而牠算是前置馬表現最好一匹，埋門試跑更見起勁，似乎谷閘直路認真省騎後有明顯幫助，再觀乎今場前置馬偏少，可採主動跑法的牠形勢應不俗。

「天外迎天」曾放 301場次排14檔而後追上嚟跑亞軍，身前對手再岀再贏，身後蹄下敗將隨後亦兩度入位，賽事水準有保證。上仗排內檔未能掌握起動，衝起上嚟不及外欄衝嘅對手落敗。今次應配合馬房岀擊再來，不可不防。

第六場 第三班 (60-80分) 1000米

今場不乏如「包裝伯樂」「超力量」，「螢影飛馳」及「綫路盈樂」的快馬搶前，估計應有一定步速；「枕頭之星」馬兒於三月初泥閘沿途放頭以快步速贏出，同組「電源之駒」及「小皇爺」陣上亦交出表現。埋門加頭罩試泥閘，鞍上人著意教馬兒留力，直路於馬群中有追，四歲馬來港適應不俗，再看外地亦曾有後上跑法下入位，所以屬今場新加入對手的牠不可不防。

「馬力」上仗休後復出兼轉場，而且在加磅之下贏馬，潛藏應未盡；未敗之師近日泥閘起步雖然慢半拍，但彎中移出外檔追上走勢仍對辦，新勝同程馬多負四磅，有步速之下仍屬爭勝份子。

「錶之極光」上仗走最內疊不利跑線而交出追勢，表現不遜頭馬，繼續跑同程仍可加入核心範圍。

「超力量」上仗休後復出負稍重磅下，輕勝兩乘許，論走勢仍大把在手，升班對手非強，陣上識追的牠跑法也見彈性。

(波仔 30/3/2025)