架勢奇爸力求開齋

第一場 第五班 1650米

「架勢奇爸」前仗岀閘一般嘅情況下，兼遇超慢步速下變奏提早發力，入彎位一段做岀快步速變奏上前，埋門僅敗而已，但同場身後過終點的「贏科超影」翌仗已補中。今仗排中內檔起步好跑，可作馬胆。

「着着領先」今季已先後兩次上陣，兩仗均遇上不利形勢而於外疊競跑，落敗不足為據。翻看季初兩課試閘走勢甚佳，今仗排檔理想，加上先前兩場熱身，不排除今仗可以變身。

「聰明導彈」上仗遇上快步速情況下後上跑亞軍僅敗。九歲馬已無保留，雖排大外檔，但以此駒一貫留後嘅跑法相信影響不太，如果步速形勢好，要要走入一席並不難。

「凱旋七福」前仗正常步速情況下負於一對後上馬跑第三，以終點模式去衡量，此駒也算是反步速趨勢馬。今仗排六檔可跟守馬群中好跑，拖一票無妨。

第二場 第五班 1200米

「馬有運」此程屬唯一贏馬路程，上仗沿途走勢不錯，可惜直路重重圍困未能於馬群中全力衝刺，敗不足據。今次採用全闊 A跑道，希望減少困塞情況，力爭補中。

「前風」上仗係快步速情況下，末段交出快時開後上跑第三，屬該仗反步速趨勢馬匹。今次繼續抽好檔兼原班人馬上陣，如步速形勢配合，要走入一席並非難事，首選配腳。

「宏才」今季長期見好，季內落敗兩場均排外檔起步，其餘排內檔都能入位，尚算表現穩定。同程上名率高，時刻要兼顧。

「三代同心」近兩仗走勢回勇，上場同程做岀 22.95末段，是三甲馬中最快尾段時間。潘頓揀騎應可重視，騎練今季開鑼至今雖合作不多，但成功率甚高，唯缺點必成熱門，但論馬要揀。

(波仔 4/12/2024)