機械騎士快放可爭

上期提及收睇尤達師兄嘅英國一，二千堅尼特輯中，而賽事當晚波仔有睇直播，雖然知道尤達師兄早已對「劇烈氣象」初出之時已對呢匹三歲馬有高度評價，屬非池中物，亦從網上睇過其賽事影片，但能夠初跑一級賽以兵不血刃姿態輕取育馬者盃兩歲馬草地大賽盟主「雪嶽區」，氣勢之磅礡只能用嘩然來形容，賽後「劇烈氣象」在「態況」評分大幅攀升之餘，再值得一提當然是英雄出少年的 Billy仔，二十歲出頭的他次攻陷英國二千堅尼經典戰役，而且匹馬更加係包紀耀的賽駒，以馬房主帥身份奪冠實在難能可貴，但相對呢對年青有幹勁將帥組合，一級賽勝利相信只會陸續有來。

今次《癲馬精選》揀第二場的「機械騎士」上仗算是三甲馬中的唯一前置馬，同場前置跑殿軍的「皇金合」剛剛也把握利前置優勢再入位，而此匹五歲馬過往四班也有週旋能力，如健康頂得順跑出水準，夜泥曾勝的牠在此仍有力爭入前列。

癲馬精選: 第二場 9機械騎士

癲馬 1760基金 (本金全季＄1760，每次投注 WP各＄10)

承上結餘：$ 1841.50；盈/虧：- $ 20.00

結餘：$ 1821.50；回報率：+ 3.49%   (上季回報率: + 5.88%)

(波仔 6/5/2026)