檔利可贏我做到

第四場四班 1200米

連仗接近的「晨曦儷人」上仗試吓放頭跑，去到最後五十米才被外面的三匹馬追過，放入一席第四名，試了守好位追、又試了放，伍鵬志馬房以九場頭馬在練馬師榜第一名，這場拆三組的四班千二米，對手均屬一般貨色，此駒未交代，潘頓再騎亦試準了，已屆勝時。與黃智弘合拍的「風中勁松」，試閘走前留後又追上，七歲馬仍有好鬥心，初出有埋減七磅之助，始終是四班兩勝及轉到方廄後全入前四名，就算以往排內檔的演出比較好，即使今次排在七檔，在對手揀不落手的情況下，已夠用。

第七場三班 1650米

準繩的「我做到」，自贏馬後已連續六場跑入二至四名，上到三班在今季跑了兩場亦入三甲，睇番贏馬之後得罪咗檔位，次次都排在外檔，今次排回贏馬的二檔，唔駛走蝕位，還有輕磅之利，趁季初對手未算十足，嗱嗱臨贏番場先。升回三班後亦有三、四名的「駟跑得」，廖康銘馬房把這匹轉倉馬搵啱路程，將這匹中年馬發揮得比起在希斯馬房時變得穩定，轉七歲亦繼續維持到，排埋一檔會更好跑，拖腳第一隻要佢。

第八場三班 1200米

去到韋達馬房的「撼天鐵翼」變咗另一隻馬，得到頭馬之餘亦全入三甲，除了上季尾一場在些少黏的場地得第五名，今季這匹五歲北半球馬做到足晒、操到勇晒先出嚟跑，路有專長怎能唔要。此程好手「時尚風趣」季內一出已在此程再贏，與周俊樂非常合拍，每每在直路上一俾即有追上嚟，鬥心強勁，今次抽咗大外檔，或許在際遇上會有疑慮，要憑熟手的周俊樂克服，七戰全有獎金的高質馬匹可秤高些少，馬房今季唯一頭馬，四歲仔仍會再上。

馬王六環彩提供

第三場	2 夢幻駿駒	7 勁好運
第四場	2 風中勁松	3 晨曦儷人
第五場	1 高份數	12 智勝攻略
第六場	8 你知我得	9 精英至尊
第七場	8 駟跑得	12 我做到
第八場	2 撼天鐵翼	5 時尚風趣

(馬王     9/10/2024)