正氣青驅斧底抽薪

上次《癲馬精選》的「天火同心」出閘無好似泥閘一樣擺前走，仲要沿途大外疊遊走，蝕位無數，如果賽馬有派彩快，筆者一定九秒九投降。諗住睇下賽後報告隻馬有無事，點知小組有問 “哈佬文”，點知唔問又自可，睇完把幾火，（詳情就唔轉貼出來，大家可到馬會網頁查閱），簡單講即係韋達原來俾咗一個我都識俾嘅策騎指示，亦睇唔出有任何具爭勝決心既指示，而布文之後嘅解釋更加無厘頭，因為俾着我都唔知點作落去，又唔知馬主見到會唔會收貨自己隻馬原來練馬師只係叫騎自由自在咁跑呢？又唔知道同日騎練合作贏馬既「競駿非凡」嘅策騎指示如何呢？定抑或練馬師根本無本事比到任何策騎指示去安排馬匹爭勝導致今季成績大倒退？

今次《癲馬精選》揀咗第七場「正氣青驅」呢匹五歲仔近五場跑田草千二，只有兩仗排較外檔才輸得較遠，其餘數仗除了可撃退「康樂高球」，亦可力迫是日跑二班賽的「愛馬善」以及今仗大熱門「真心傳奇」同到終點，環顧今場快馬唔多，前速較快都可能是九檔的「非凡達」，所以六檔順利起步有力可先搶好位搏走甩。

癲馬精選: 第七場 7正氣青驅

癲馬 1760基金 (本金全季＄1760，每次投注 WP各＄10)

承上結餘：$ 1799.00；盈/虧：- $20.00

結餘：$ 1779.00；回報率：+ 1.08%

(波仔  31/5/2025)