活力精神有力變身

新任老豆艾兆禮剛剛食出大四喜，繼續鞏固騎師榜第三位，直追二哥布文，其次周俊樂二月豪取 9W，連同本月一號連中三元後，亦都進佔騎師榜第四位。筆者喜見騎師們有新衝撃，唔駛季季都係睇田泰安飛出大外檔成日追唔切，令人吐血之後繼續成為第三把交椅。快將四月有雷神回歸，亦有布浩榮客串以及袁幸堯成為姚廄見習生出賽，今一輪的騎師陣容筆者都頗期待，屆時馬匹體力逐步下降時，更要騎師走位要求搭救，希望屆時可為沉悶的香港賽馬帶來漣漪。

《癲馬精選》今次揀第四場，跟尤達師兄傾呢場時不約而同都認為今場欠缺放頭馬，早段步速應該偏慢，而今季曾於四班贏同程的「活力精神」，雖然贏馬後表現無以為繼，但前置三甲馬為屬後上型賽駒，所以沿途前置應的牠應稍蝕形勢，上仗留後跑，但觀乎三甲馬彎位均貼欄，似乎再蝕一次形勢下落敗，未可作準。今次賽前快跳馬身仍然飽滿非常，態況對辦，四檔起步預計陣上可居「時間寶」之後競跑，有機會賺番一次，有力變身。

癲馬精選: 第四場 4活力精神

癲馬 1760基金 (本金全季＄1760，每次投注 WP各＄10)

承上結餘：$ 2015.50；盈/虧：- $20.00

結餘：$ 1995.50；回報率：+ 13.38%   (上季回報率: + 5.88%)

(波仔 11/3/2026)