火神神樂捨難取易

第二場 第五班 (0-40分) 1200米

「錶之多多」上仗濕泥地贏馬竟意外地未有加分，本身田泥同程表現岀色，七戰同程冠亞各一，如留意二月十二日的千二米嘅賽事模式，呢匹馬係唯一由頭放到尾嘅頭馬，雖然呢場賽事水準未有太大證明，但勝在馬匹跑法主動，仍可作胆。

「辰速密碼」一月中跑同程沿途步速偏快，所以跟守中前的牠步速非有利，而牠末段緊咬「皇龍飛將」兩馬位的表現可收貨，而鄰近為「星火燎原」及「贏得自然」兩匹泥地千二的指標賽駒，以該仗賽績套遭五班賽或許已夠用。

「型到爆」於上手馬房經常近而未能走入三甲，結果幕後轉倉，相信求勝之心顯然而見。轉倉後操練工夫正常，一週兩課大圈做齊，埋門谷草試閘面對一衆比佢高分馬走勢不俗，應盡快求交代優先考慮。

「謙謙君子」前仗跟守前列位置賺步速下跑入第二，喺濕泥地雖難言姿態輕鬆，但過終點模式甚住。今場賽事雖未知場地利放還是利追，呢類中前置馬可作配。

第四場 第五班 (0-40分) 1200米

「火神神樂」此程乃係此駒岀道至今唯一上名路程，雖然未能贏岀頭馬，但亦可謂路有專長。呢匹馬轉入蘇廄後亦應儘快求交代，同樣捨難取易唔報四班賽事，而選擇五班上陣，動態兼心態明顯，有力一攻而破。

「中華威威」呢組馬中贏馬次數最高，此程賽績兩冠四亞亦算準繩。查上仗係四班係快步速受害情況下落敗，敗不足為據。以呢匹馬現時評分，唔報四班而回師五班相對有利，故鬥志不用懷疑，半冷可敲。

「鑽飾翱翔」雖然並非一匹上駟，但贏馬次數係呢組馬之中並不會比下去，呢程八戰一冠三亞。上仗係谷草放頭終點前緊敗於對手，屬反步速趨勢馬，較早前亦兩度同程入位，近態好可優先考慮，前駒心腹大患。

「南區旺」上仗與「錶之多多」雙雙彈離對手六個馬位走入一席第二，係當晚濕泥哋情況下，末段跑岀 24.03快末段時間，同程三戰兩亞，路程性能亦不用懷疑，唯對手相對比上仗強而作配脚。

(波仔 26/3/2025)