爆熱低位謀反彈

第四場五班 1200米

落到五班的「英雄本色」，由上季 53 分起步減到現在的 37 分，十二戰亦未曾入前六名，而鄭俊偉馬房剛打破超過個半月的贏馬荒，落班會否如隻「愛馬善」咁爆出冷門，重配季初已騎開的楊明綸，入冷 P 都好分。又在泥地入 Q 的「南區旺」，以不足一個馬位負於減十磅放贏的「錶之多多」，兩駒甩開馬群成六個馬位，外疊都可以追回甚多失地，今場排到四檔可跟返前啲，騎得返上場的追勢已可取得首場勝仗。

第六場四班 1650米

上場排九檔都可追入季軍的「爆熱」，由大前季的 82 分減至現在的 49 分，跑了 24 場未嚐勝果及只有四次入第三名，上名率亦超低，近五場主要跑泥地已見有追勢，外檔亦不受影響，找到出路及評分已有支持點，趁對手不多搏贏番場。今季泥地全入前五名的「天時明駒」，六歲中年馬近六場得三冠兩亞及上場的第五名，前速夠晒快，排十檔以外亦可放出嚟跑，今場排六檔會更慳力放頭，睇埋今場才確認是否已見頂。

第九場三班 1200米

一出可即贏的「假面騎士」，隔了一場落第後，上場跑入第三名，只負於泥地經驗比牠豐富的對手半個馬位，今次有幸繼續排到內檔，縱然今場有近績的對手甚多，憑質新仍未見底可挑戰群駒。泥地找到出路的「皇龍飛將」，一轉泥地四戰全入前四名，2W 後上三班亦只負於三班泥地常入圍的「德心知遇」一個頭位，跑贏了今場多匹再次對疊的對手，四歲仔年青力壯，於泥地可繼續衝分，先站穩三班。

馬王六環彩提供

第四場	3 英雄本色	10 南區旺
第五場	2 實力哥	3 贏得自然
第六場	3 天時明駒	6 爆熱
第七場	11 超悅明駒	12 五福星
第八場	11 天威	12 艾莉奧
第九場	6 假面騎士	10 皇龍飛將

(馬王     26/3/2025)