福聚世一破悶局

有馬跑嘅日子時間過得特別快，眨眼已到國際賽預賽日，三匹上屆預賽盟主「嘉應高昇」，「浪漫勇士」以及「遨遊氣泡」今日都會再上征途，不過「遨遊氣泡」轉戰二千米，而新星「祝願」則出戰馬會一哩錦標，戰情或許未必太緊湊，但都期待一眾馬王佳駟齊齊取得好成績。這邊箱麥道朗摧護重來再度客串，不過苦戰三日，二十匹坐騎只得三個位置，墮馬數字更拍得上亞軍數目，頓時成為網民口中的過街老鼠，不過都係果句:「巧婦難為無米之炊」，大家細看近三日此子座騎，談得上贏面壓一的沒有，「錶子量子」季初已錯失黃金機會，「魅力星」「有派頭」及「都靈福星」都是可爭欠穩馬，「有盈勇士」更是三零部隊，當中不少座騎即使用到潘頓都可能三甲不入，所以各位馬迷不妨以馬匹能力為先。

第一場「福聚」前仗在港初出即甫入位，雖然僅負於「鋁神」蹄下，但後者上季已在千四米強組蝕住跑近，所以一席亞軍表現並不失禮，再看同組跑近的「品德寶寶」剛剛都已追入亞軍，而上仗直路前中段困塞，未盡發揮，敗績應未可作準。賽前廄主已交由麥道朗試閘及多番拍跳來增加人馬溝通，是仗雖排檔較差，但一來換來多分賠率分頭，二來頭場都是新馬鬥進度，可望四歲馬有進度下取得好成績。

癲馬精選: 第一場 6福聚

癲馬 1760基金 (本金全季＄1760，每次投注 WP各＄10)

承上結餘：$ 1626.00；盈/虧：- $ 20.00

結餘：$ 1606.00；回報率：- 8.75%   (上季回報率: + 5.88%)

(波仔 23/11/2025)