禪勝閃亮冷勿盡忘

世界盃如火如荼的進行三十二強賽事，不少知名球星如美斯，麥巴比及夏蘭特依然入波不斷，有無超新星？似乎直至呢一刻於坊間的社交媒體中都未見大肆宣傳，因今次世界盃而快速竄紅的球員，可能較有潛藏就是墨西哥隊的祖利安基洛尼斯（Julián Quiñones）及瑞士隊的文森比（Johan Manzambi）有機會在世盃後往歐洲一線球隊效力。說回本港馬壇，下週將有冠軍人馬獎頒獎典禮，最佳新馬候選的「櫻花酒杯」，「喜慶寶」，「極上紗籠」以及「財將」，加埋應屆打吡冠軍「白鷺金剛」及遮打盃亞軍的「數字天文」，是否讀者們心目中的超新星。當中現時五戰四勝的「喜慶寶」波仔滿有寄望下一季更上一層樓。

今次《癲馬精選》揀第一場新馬賽，大熱門一支獨秀熱在上仗輕勝而回的「星球勇士」，不過始終都有加磅及轉程的考驗，在投注角度，此類賽駒失手一次起碼要追返十隻有多，所以都係搏賠率，揀來「禪勝閃亮」，三歲美國馬初出一役起步慢失先機，亦是步速上的受害者，加上直路初取位際遇亦一般，可謂大勢而去，最終在馬群中有追回第五，以初出計表現已不俗，上仗雖然被頭馬操控步速，但「禪勝閃亮」自己所締末段也快，水準保持，今次跑回有經驗的千二米，大家鬥進度場合，就向賠率埋首。

癲馬精選: 第一場 3禪勝閃亮

癲馬 1760基金 (本金全季＄1760，每次投注 WP各＄10)

承上結餘：$ 1902.50；盈/虧：+ $ 20.00

結餘：$ 1882.50；回報率：+ 6.96%   (上季回報率: + 5.88%)

(波仔 4/7/2026)