精英雄心目標明確

眨下眼已經跑咗七個回合，潘頓於騎師榜領先並非新聞，但筆者認為此子今季算早入局，陣上算集中同唔算太多礙眼發揮，而波仔認為亦好大因由是為了盡快提高個人狀態，配合已飛往澳洲備戰珠峰錦標的「嘉應高昇」。其次，未贏馬嘅金誠剛同潘大衛則可以話係巧婦難為無米之炊，但後者剛剛接受臨場易配「文明福星」的聘約表現都算合格，而應屆告東尼獎得主潘明輝則在六月四日贏過「瑪瑙」後未有再贏馬，不過今季暫時的七個亞軍，其實大多數都係半冷下風馬，未開齋相信只是運氣問題而已。

第八場「精英雄心」灰馬仔埋門泥閘起步快，直路廄侶「祝願」拉快步速下牠走勢亦十分從容，大閘後快跳仍見落腳輕巧，似乎馬兒狀態來得正好，二班同程賽程直至十二月也沒有，估計今場也要應是目標所在。

癲馬精選: 第八場 7精英雄心

癲馬 1760基金 (本金全季＄1760，每次投注 WP各＄10)

承上結餘：$ 1705.50；盈/虧：+ $ 12.50

結餘：$ 1685.00；回報率：- 4.23%   (上季回報率: + 5.88%)

(波仔  4/10/2025)