良駒好友以快打慢

話咁快香港馬季又開鑼，執筆時剛做完金頓馬場直播，「憲法山」一如師兄所料平地第三戰終告斷欖，賽後更發現流鼻血，遠征澳洲可以慳番!

講番今季《癲馬》安排，西西倦勤一季後今季重新歸隊，因此今季香港賽日將反傳統，放棄三T及六環彩專欄，他將連同馬王及 LakLak 三人合作新欄 “今日買乜好”，每次他們三人各自提供投注策略，可以單場或者過關，擺脫過往大彩池框架，當然每遇特定多寶累積，馬王及 LakLak 便重操舊業，分別提供六環彩及三T 心水，這次改動希望帶來更多彈性，目的只有一個：就是幫助我哋付費會員贏馬! 未成為會員的朋友，快啲去主頁登記，尤達師兄歡迎各位加入!

上季 1760基金總回報為 +3.55%，雖然正數但表現比前季遜色，與波仔多次開會，今季選馬其中一個大方向，就是落實執筆時隔夜賠率三倍或以下馬匹一律不要，此例會嚴格執行，而每次會註明所選馬匹之隔夜賠率方便大家參考，今次揀來第五場磅底馬「良駒好友」，此駒年初一冠一亞後，經歷近半季減分，由高位 52分減至現時 40分，比贏馬時還要低 4分，近期快操朝氣再現身輕步爽，與黃寶妮相當合拍，老馬利季初以快打慢，文家良雖在韓國督師但在港亦有備而來，「良駒好友」只負111磅輕飄飄，有力一放到底，要睇!

癲馬精選: 第五場 14良駒好友 (隔夜賠率：10倍)

癲馬 1760基金 (本金全季＄1760，每次投注 WP各＄10)

承上結餘：$ 1760.00；盈/虧：- $ 20.00

結餘：$ 1740.00；回報率：- 1.14%   (上季回報率: + 3.55%)

(尤達 6/9/2026)