賺形勢可期而遇

話咁快香港馬季又告開鑼，《癲馬》團隊重新投入作戰狀態，上季大題榜冠軍西西割禾青，決定封筆，雖然再三遊說但去意已決，残念之餘師兄尊重其意願，在此感激西西一直支持，為團隊帶入不少元素，街頭智慧不可輕視！人工智能逐漸普及，用途涵蓋不少層面，師兄決定用之，今季孖 T欄目將繼續採用 “孖 T和你贏” 命名，特別向西西表示謝意，而操刀者 AI GPT 正是人工智能，且看能否戰勝街頭智慧及賽馬專家；上季 1760基金錄得正回報，今季本欄繼續與波仔攜手操盤，突破上季回報率屬必然任務外，大題榜在大部份時間領前下大意失荊州，曾經更一度跌至第三位，結果屈居亞軍，經過一季相信與波仔會有更佳默契，希望今季能夠提升名次，在此多謝大家，特別付費會員一直支持，仍未成為會員請馬上登記，好讓我們可以走得更遠。

《癲馬精選》今次揀第七場，先講今場步速結構，因為不少具前速馬匹均排外檔起步，牠們如想搶好位競跑，相信早段都會用啲力切入，故估計早段步速會偏快，而揀咗嘅係姚本輝馬房嘅「可期而遇」雖然呢匹五歲馬質素上未必比過往的同主馬好，但今仗勝在排好檔起步，而且牠也有一定前速，所以即使早段唔駛鬥搶都有機會咬守好位，而正如開首提及今場應該有快步速，相信陣上形勢會唔差，希望呢對騎練合作又有機會取得成績。

癲馬精選: 第七場 6可期而遇

癲馬 1760基金 (本金全季＄1760，每次投注 WP各＄10)

承上結餘：$ 1760.00；盈/虧：- $ 20.00

結餘：$ 1740.00；回報率：- 1.14% (上季回報率: + 5.88%)

(尤達/波仔  7/9/2025)