超強六十延續攻勢

開鑼日波仔做直播時見到好多人講唔係「嘉應高昇」有幾勁，亦唔係潘頓五Ｗ有幾無癮，而係聚焦在騎師直路有否觸犯最新嘅用鞭規例修訂，原來唔睇唔知，好多觀眾都誤以為眾騎師們係最後100米唔可以連環用鞭提醒馬匹，所以過終點就紛紛討論「阿潘頓最後打咗鞭啵」，「點解個個末段都係咁抽鞭既」，想在此簡單再說，最新嘅用鞭規例修訂其實係眾騎師去到最後100米埋牙階段時可以連環落鞭。而馬會亦剛剛賽日後曾提及，會有如英國賽馬管理局一樣，事後由用鞭監察委員會每場逐匹再審視，如干犯規例會再下一次賽事中提醒番騎師，到真正執行時就宣佈罰則，簡單啲講即係會「秋後算帳」！

今次「癲馬精選」揀咗第三場方嘉柏馬房的「超強六十」，此駒有曾勝同程根據，人馬合馬兩戰亦一勝，加上今仗排好檔位預計形勢不俗外，負磅亦唔算重，而且方廄在開鑼日已取一冠一亞，相信馬房部署攻勢並非一日而已。

癲馬精選: 第三場 3超強六十

癲馬 1760基金 (本金全季＄1760，每次投注 WP各＄10)

承上結餘：$ 1740.00；盈/虧：- $ 20.00

結餘：$ 1720.00；回報率：- 2.27%   (上季回報率: + 5.88%)

(波仔  10/9/2025)