遨遊氣泡級數壓一

執筆之時，英國冠軍錦標由巴米高執韁既「格倫島」輕鬆勝出，呢匹阿加汗名下既賽駒上屆在此項錦標屈居「形於外」蹄下跑入亞軍，其後在杜拜司馬經典賽，加冕盃都喺做阿二，不過呢匹馬係六月尾喺聖格盧大賽贏馬後，繼而在英皇錦標起過孖，表現有點脫胎換骨之感，再睇埋今日末段可以拋開「申訴專員」的走勢，似乎四歲馬有開竅既味道。由此亦可領會到，馬兒進度絕對可以一日千里，假如察覺到馬兒有進步，絕對可在投注上乘勝追撃，一路長追！

今日焦點應該係第七場沙田錦標，應屆三冠長途馬王，「遨遊氣泡」雖然今仗需要負頂磅復出，雖然狀態可能未十足，但在此組級數絕對夠晒，而具氣量的牠，排六檔起步預計可採取主動走順跑法，而主要對手「祝願」除咗有換人執韁變數外，而且排檔亦相對差，好可能在會稍蝕 C+3 跑道偏差，故有賠率偏差下認為「遨遊氣泡」相對值搏。

癲馬精選: 第七場 1遨遊氣泡

癲馬 1760基金 (本金全季＄1760，每次投注 WP各＄10)

承上結餘：$ 16400.00；盈/虧：- $ 20.00

結餘：$ 1620.00；回報率：- 7.95%   (上季回報率: + 5.88%)

(波仔 19/10/2025)