電源之駒復甦可追

第一場 第五班 (0-40分) 1200米

「環球英雄」新馬插班後其中跑得最好嘅一場就是 278場次，雖然對前三名馬威脅不大，但類似跑法嘅「至尊高超」再岀已補中，上仗轉戰谷草如非直路塞車相信會更接近，輾轉已在五班上陣，有能力爭。

「精英至尊」今仗落五班，如果能夠守好位入直路，以近兩場末段時間計，應有力走入一席。

「至旺財」前仗跟前蝕快步速力鬥「鄉村樂韻」的表現應屬好賽績，而年初三頭場跟前直路乏力墮退，輸到唔似真，今次選擇轉場而臨，雖然谷草同程三戰無功而還，但有兩場在上季取得，今季 107場次屬高水準賽事，所以敗績都有藉口，再看毛色肖母的牠，不乏在港子嗣可在谷草取得頭馬，如因近績及場地根據而換來賠率，不妨搏質新的牠施回馬槍。

「三代同心」今季谷草同程共取三亞兩季，上仗轉場田草落敗不足為據。六歲馬經已冇大進步，但谷草千二屬唯一上名及贏馬均在此程取得，路有專長要拖。

第三場 第四班 (40-60分) 1200米

「電源之駒」上仗快步速跟前跑，結果跑第三過終點，屬前五名馬匹中嘅反步速趨勢馬。查呢匹馬前仗已經能夠搶在前面走，似乎七歲馬已重拾角逐興趣，今仗排二檔起步，內欄對手亦非快馬，加上同程一勝兩位嘅往績，今仗有力重敲勝門。

「凌風傲雪」對上兩仗均在直路賽落敗，翻查呢匹馬係呢兩場賽事之間曾渡江試閘而且走勢亦從容，再查此系馬亦合跑谷草，轉場有力推翻大局。

「運來五寶」近幾仗連場見好，同程兩度氣走「金匯昇昇」，上仗排檔稍外沿途留後，入直路後上，雖然整體時間比另兩場四班千二差，但勝在贏馬姿態輕鬆，當銳馬宜繼續拖脚。

「競馬一心」上仗屬相對快步速情況下跟前唔斷嘅馬，亦帶著點兒反步速趨勢嘅第三名。四歲馬里程尚新，今次排中檔起步可跟守二疊生位，跑法機動，原裝配搭繼續上陣不可不防。

(波仔 19/2/2025)